OTSAK 18:5 - Kathara Bible (BSI)

⁵ Silas eina Timothy Macedoniawui eina rākazang chitharan Paulva Jihudinaobingli Jishu hi Khristalaka da shākhi milaga pao hākashokli ningsanglak eina sāsai.

OTSAK 18:5 Iomraidhean Croise

JEREMIAH 20:9

“Awui ming ina masingmara, lah awui ming singda mahangluimara,” jiakha, iningli mei kachui thāda ara̱-arā vāshunga, kala chi singkapam I makhāngrarmana, I mararmana.

JEREMIAH 6:11

Chiwui vang Prohowui malungkhavāt chi ili pemhaira; ina chi singpamda chothaira.” “Chānreilungli chi naoshinaobingwuitungli, kala kazipkapama yaronnaobingwuitungli, kala gahara eina preiva̱ khaninili khuithuihaora, kasarnaobing kala rarlak kahaibingla.

EZEKIEL 3:14

Manglā china ili khāngkāda khuithuihaowa, kala iwuitungli Prohowui kapanga pāngkaparwui vangna ining chotlakhaowa;

MICAH 3:8

Kha ichanga pangshapna pemtinghai, Prohowui Manglā eina, kala mashun eina kala yāng eina, Jacobli awui khayonkhamāng kala Israelli awui morei phongmi khavai.

LUKE 12:50

Kha ina ra̱hikphalungki kaji akha lei kala chi makupkhuiranglakha ining chotlakli!

LUKE 16:28

kaja ichināngara phangā lei, athumnala kachotkachāngpam hili marā khavai unghāngmachinmi ngasaklu.’

JOHN 1:41

Ana hengsāda ama Simonli samphangda hānga, “Ithum Messiahli samphanghaira.” (Tui hiwui kakhalatva Khrista kajina).

JOHN 10:24

Chieina Jihudibingna ali rākuinamda hānga, “Nana ithumli karankha ningmaong ngasakrakhala? Na Khrista china jiakha tharlak eina hānglu.”

JOHN 15:27

kala nathumla shākhina, kachiwui vangkhala kaja haokaphokwui eina nathum ili ngasora kahaina.

JOHN 3:28

‘I Khrista maningmana kha ali rimeida ili chihokharāna’ da ina hāngkahai chiwui shākhi chi nathumna.

OTSAK 10:42

Kala kharingabing eina kathebingli bichar sāmi khavai Varena ali kapangkhui kahaina kaji mibingli shākhi sākhavai kala hāshok khavai ithumli ana kaso kahaina.

OTSAK 15:22

Chiwui thili paokazatbing eina ararnaobing kala church hupva zangda mi saikorana Paul eina Barnabasli Antiochli ngasovā khavai athumwui ngachaiwui eina mi kaikha kapangkhuisa da mayāngaroka. Shitkasangabingna khayāshilak kahai Barsabbasla kaho Judas eina Silasli kapangkhui,

OTSAK 16:1

Paulna Derbe eina Lystrali vai. Chili Timothy kaho sākhangatha̱ akha leisai; ashāva̱ hi Jihudisālala Vareshi akhana kala avāva̱ Greeknaona.

OTSAK 16:12

Chiwui eina ithumna Macedonia ngaleiwui hakmeikap kaje keinung Philippili vai; apam hi Romenaowui ramsom akhana. Ithumna chili zimiksho sha̱rākhathang pamsangda

OTSAK 16:9

Chithang ngayā Paulli mahākhami akha rāchithei: Macedoniawui mi akhana nganinglaga ali, “Macedoniali rāda ithumli ngachonmilu” da poi.

OTSAK 17:3

kala Khrista kachotkachāng phunglaga kathiwui eina ringshokphalungra kaji hi shākhi khami eina ngasoda tui chi meikhaichitheida Paulna hānga, “Ina hāngchitheida khalei Jishu hi Khristalaka.”

OTSAK 18:28

Kaja Jishu hi Khristana da ana kathara lairikwui eina khuishoklaga yaruiwui ngaphat-ngayātli Jihudibingli maikashi mivai.

OTSAK 2:36

“Chiwui vang eina, nathumna krushli shaothat kahaia Jishu hili Varena Prohola, Khristala sāngasakhaira kaji hi Isrealnao saikorana theikazazakhairanu.”

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 20:23

Ina katheiva keinung kachida phātop kazang kala kachotkachāngna ili ngaraida leili da Manglā Katharana ili hāngkhami chimānga.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 4:20

Kaja ithumna kathei, kashā chi makahāng masārarmara.”

OTSAK 9:22

Kha Saulna tamkachitheiwui pangshap mataisangmamānda Jishu hi Khristalaka da theishingkhui khangasak eina Damascusli kapama Jihudibing chili pa̱ngapā ngasakhaowa.

2 CORINTHNAO 1:19

Silvanusna nilala, Timothyna nilala, ina nilala tamchitheida khalei Varewui Naomayara Jishu Khrista hiya “Ninglapai” “Maninglapai” kaji maningmana. Kha awuili Varewui “Ninga” kaji lei.

2 CORINTHNAO 11:9

Ina nathumli ngasopamda leilakha iwui khavāt pheisāla mapomana; Macedoniawui avānaobingna iwui khavāt saikora khuirāmi. Khare kachāngwui thada aruila nathumli makhanang ngasakmara.

2 CORINTHNAO 5:14

Khristawui leikashina ithumli kuinammi, khiwui vangkhala jilaga mi akhana katongawui vang thimihaira kaja kathili ithumla ngarumhaira.

PHILIPPINAO 1:23

Khani hiwui ngachaili kapangkhui khavai iwui vang saklaka. Thihailaga Khristali ngasokapam hi iwui ningkachāngna, chi phāmeikhara.

1 THESSALONICANAO 3:2

Kala Khristawui paokaphā hākashoklungli Varewui vang ithumli otsakruma Timothyli nathumwui shitkasang ngatarmei khavai kala kasatsang khavai kachihona.

1 THESSALONICANAO 3:6

Ara Timothy hanunghaira kala nathumwui shitkasang kala leikashiwui pao unghānghaira. Nathumna ithumli phaningungchinga kala nathumli theikhangai thada nathumnala ithumli theingailaka kaji ana unghānghaira.

1 PETER 5:12

Shitsangkapai ichinā Silaswui khangachon khuilaga sha̱lak kahai chithi hi kagapina. Kasatkasang eina ngasoda tui hi Varewui lukhamashanlaka da shākhi khamina. Tui hili nganingtitlu.