Biblia Todo Logo
Bìoball air-loidhne

- Sanasan -




OTSAK 18:12 - Kathara Bible (BSI)

12 Kha Galliona Roman governor kasā chitharan Jihudinaobing khokkha sākhuilaga Paulli tukkhuilaga kārotli khuikāda

Faic an caibideil Dèan lethbhreac




OTSAK 18:12
27 Iomraidhean Croise  

Chili lāngda Pilatena bichar sākhavaipamli leilakha apreiva̱na ali tui akha shirāta, “Khayon makhalei mi chili khikha sākhavai maleimana, khikhalajila arui ngayā iwui mangshong ina awui vang tarākha khananghaira.”


Pilatena chi shālaga Jishuli khuishoka kala Hebrew tuili Gabbatha kaho Lungham bichar pamkhong chili shokpama.


Kashok chi governorna kathei eina Prohowui pongli tamkachithei chi shālaga matakhakhaowa.


Kha keinungwui kathānabing eina khangatara khamaho sha̱naobingli Jihudinaobingna thara̱sanglaga Paul eina Barnabasli rekhareka kala aramwui eina kashamhaowa.


Mipa hi, Varetui nganā khavai Barnabas eina Saulli hokahaia thangmeilak kahaia governor Sergius Paulusli ngasopamsai.


Kha meowor kathema Elymas (Chi Greek tuiwui amingna)na athumli mamayāmana kala governorli shitkasang chili mazang khavai khangarān sai.


Chiwui thili Jihudinao kaikha Antioch kala Iconiumwui eina rālaga yarui chili suikhuida, Paulli lunggui eina thamngasaka kala thihairada phaninglaga keinungwui ayarli athumna shimenshokhaowa.


Kha mashitkasanga Jihudinaobingna Gentilebingli hāngkasotta shitsang kahaibing chili mamayā khavai sai.


Kha Thessalonicawui Jihudinaobingna Paulna Berealila Varewui tui hāshokhaira kaji kashā tharan athumna chili rālaga mibingli rāthara̱sanga kala rāthotsanga.


Kha Jihudinaobingna mikpaishihaoda makaphā-makhayā mi kaikhali khomkhuilaga mi kachungkha kazipkhuida keinung chi khonzār khavai sai kala athumna anili yarui mangāli khuishok khavai Jasonwui shim akaiya.


Chiwui vang eina Paulna Varewui pao tamchitheida apam chili kum akha tangkhai pama.


Chieina Apollosna Achaiali vangaihaoda Ephesuswui shitkasangabingna Achaiali khalei shitkasangabingli ali samngarokhui khavai lairik kapisangmi. Ana chili vākashung chitharan lukhamashan mangā eina shitkasanga ngasā kahai athumli tarākha ngachonmi.


Otshotbing chi shokkahaiwui thili Paulna Mecedonia eina Achaia akānlaga Jerusalemli vākhavai phaninghaowa.


Paulna ngahānkai, “I arui ili bichar sākhangayi apam, Caesarwui kārotli nganingda lei; ina Jihudibingli khikha khayon masāhailakmana kaji nana thatheihaira.


Kaja Achaia eina Macedoniali khalei churchbingna Jerusalemli khalei kachāma katharabingli haolak eina pheisā ngachonmira jihaira.


Aniwui shimli kazip khangaruma churchlila shālam mili. Asia ngaleili Khristali shitsangkhare iwui leikashiya ngasotnao Epaenetusli shālam mili.


Ara, ivānaobing, nathumna thei kaja Achaiali Stephanas eina awui shimkhur hi shitsangkhareli zanga, ashi hi katharabingli ngachonmikatheia shimkhurna.


Varivarawui ningkachāng athishurda Khrista Jishuwui paokazata ngasā kahaia Paul eina avānao Timothyna Corinthli khalei Varewui church kala Achaiali khalei Varewui mibing saikorali kagapina.


Khristawui khamashung ili zangmihaoda Achaia ngaleili khalei mi khipānakha iwui lāngsokhangai hi makhāmrarmara da hāngshapa.


Iwui kha̱ram kazatli tara̱kaphong, pha̱ma̱shaomi kahai, Jihudiwui eina, Gentilewui eina keinunglila, shamadrulila, ngahonglila, minama ngasotnaowui einala mahāngkhararra ka̱lākashi samphanga.


Nathumna sāmingairareo kahai chi ina theida Macedonianaobingli, “Achaianaobingna ngachonmi khavai achākum eina thuida ngarān kahaina” da ina mashonsei eina hānghaira.


Ivānaobing, Judea ngaleili khalei Varewui churchbing, Khrista Jishuli kazanga mibingli kashok tākam eina nathumlila shoka. Jihudibingwui pāngli athumna kachotkachāng samkaphang chithada nathumla nathumwui miyurwui pāngli kachotkachāng samphanga.


Huikhami khuirāki kaji paokaphā chi Gentilebingli mahāshok khavai ithumli athumna hapa.


Kha nathumna kachāma mili mautshitmana. Nathumli singkakharenga kala karotshimli shimenkhavā chi kashāngabing maningmalā?


Lean sinn:

Sanasan


Sanasan