OTSAK 17:6 - Kathara Bible (BSI)

⁶ Kha athumna anili masamphangthuda Jason eina shitkasanga kaikhali keinung chiwui akhavābingli shimenvāda vaowa, “Okathui saikorali mashongachei khangasaka mibing chi ara hili rāhaira,

OTSAK 17:6 Iomraidhean Croise

AMOS 7:10

Chiwui thili Bethelwui pāngmon Amaziahna Israelwui awunga Jeroboamli pao chiphunda hānga, “Israelwui shimkhurli Amosna nali mithit khalen sāhaira; ngalei hi awui tui maphungrarthura.

MATTHEW 24:14

Kala wungramwui paokaphā hi miyur hupta shākhi mikhavai okathui peida hāshokra, kala chiwui thili khangachang chi rāra.

LUKE 23:5

Kha athumna pangmeida hānga, “Awui tamkachithei china Judea ngalei katongali pa̱ngapā ngasakhaira. Hi ana Galileewui eina haophoklaga ara hilila rāshunghaira.”

OTSAK 1:15

Chitharan Peterna avānaobingwui (athum mi shakha maga̱ sha̱kha ngasokapam chiwui) ngachaili nganingda hānga,

OTSAK 17:10

Ngayākhaleoda shitkasangabingna Paul eina Silasli Bereali chihovāhaowa. Anina azangkhaleoda synagogueli vai.

OTSAK 17:14

Shitkasangbing china Paulli ngalāngda shamadruvāk chihovāhaowa, kha Silas eina Timothyva Bereali pamhaowa.

OTSAK 17:31

Kaja ana kapangsang kahai mayarnao china okathui saikorali mashun bichar sāmi khavai zimiksho akha kak-kahaina. Ana mayara chili kathiwui eina ringngasakta mi kachiva̱li hiwui pongli shākhi mihaira!”

OTSAK 17:5

Kha Jihudinaobingna mikpaishihaoda makaphā-makhayā mi kaikhali khomkhuilaga mi kachungkha kazipkhuida keinung chi khonzār khavai sai kala athumna anili yarui mangāli khuishok khavai Jasonwui shim akaiya.

OTSAK 24:5

Mipa hi khonzār khangasaka, okathuili khalei Jihudi saikorali kuikazā khangasaka kala Nazarene ashangwui kathāna akhana da ithumna theikhuihaira.

OTSAK 28:22

Kha nawui kaphaning khi leimameikhala kaji nawui eina shāngai; kaja apam kachiva̱li ashangva̱ hili mashātta khamatui ithumna thei.”