OTSAK 17:1 - Kathara Bible (BSI)

¹ Chiwui thili anina Amphipolis eina Apollonia kanvāda Jihudiwui Synagogue khalei Thessalonica apamli rai.

OTSAK 17:1 Iomraidhean Croise

OTSAK 14:1

Ara athumna Iconiumli Jihudiwui synagogueli vālaga tamkachithei eina Jihudinao kala Greeknao kachungkhana shitsanghaowa.

OTSAK 15:21

Kaja atam kasāngkhawui vang sabbath kachida synagogueli Moseswui ain pāchinga, kala awui tuibing chi keinung kachida hāshoka.”

OTSAK 16:13

Sabbaththang ngavei kānshoklaga seihā sākhavai apam samphanglapai da kongpheili vai. Ithumna chili pamzangda chili kazipkasā sha̱naobing chili tamchithei.

OTSAK 17:10

Ngayākhaleoda shitkasangabingna Paul eina Silasli Bereali chihovāhaowa. Anina azangkhaleoda synagogueli vai.

OTSAK 17:11

Thessalonicawui mibingliva chiwui mibingna ning hakmeikhāra. Athumna chānpao chi ningsanglak eina nganai kala thangkachida Paulna kahāng chi kachangkhat mashungka mamashungmakhala kaji theikhavai kathara lairik chi pāchinga.

OTSAK 17:13

Kha Thessalonicawui Jihudinaobingna Paulna Berealila Varewui tui hāshokhaira kaji kashā tharan athumna chili rālaga mibingli rāthara̱sanga kala rāthotsanga.

OTSAK 20:4

Berea ngaleiwui Pyrrhuswui naomayara Sopaterla ali ngasovai; kala Thessalonicawui Aristarcus kala Secundus; Derbewui Gaius; Asiawui eina Tychicus eina Trophimus; kala Timohyla zanga.

OTSAK 27:2

Chieina Asia ramphangwui jahas ngasām khavaipamli vāki kaji jahas chi ithumna Adramyttiumwui eina kātongkhuida zatphoka. Chili Thessalonicawui eina kharā Macedonianao Aristarchusla ithumli ngasovai.

PHILIPPINAO 4:16

Thessalonicali leilakha nathumna ili khangachon mirāchinga.

1 THESSALONICANAO 1:1

Paul, Silas, kala Timothywui eina Avāva̱ Varivara kala Proho Jishu Khristali kazanga Thessalonicawui churchli kagapina. Lukhamashan kala chingri kahai chi nathumwui ngasāranu.

1 THESSALONICANAO 2:2

Nathumli marāranglakha, Philippili rekharekta ithumli maishi khangasak chi nathumna thei, kala chili ngasung khavai tarākha leisālala paokaphā chi nathumli hāshok khavai ithumli malungkaping sangmi.

2 THESSALONICANAO 1:1

Paul, Silas, kala Timothywui eina— Ithumwui Avāva̱ Varivara kala Proho Jishu Khristawui alungli khalei kala Thessalonicawui churchli kagapina:

2 TIMOTHY 4:10

Demasna aruihonwui okathuili leishimeihaoda ili chihohailaga Thessalonicali vāhaira. Crescensla Galatiali vāhaira kala Titusna Dalmatiali vāhaira.