OTSAK 16:1 - Kathara Bible (BSI)

¹ Paulna Derbe eina Lystrali vai. Chili Timothy kaho sākhangatha̱ akha leisai; ashāva̱ hi Jihudisālala Vareshi akhana kala avāva̱ Greeknaona.

OTSAK 16:1 Iomraidhean Croise

EZRA 9:2

Kaja athum kaikhana, athum kala naomayarabingwui vang preiva̱ngarā sākhavai hiwui ngalā ngakhothaira; chiwui vang kathara yur hi ngalei hiwui yurbingli manātkharomserhaira. Kala shitkasang makhalei ot hikathā hi otva̱bing eina khareibingna mataimeikapta sāhaira.”

OTSAK 14:1

Ara athumna Iconiumli Jihudiwui synagogueli vālaga tamkachithei eina Jihudinao kala Greeknao kachungkhana shitsanghaowa.

OTSAK 14:21

Keinung chili anina paokaphā hashokta sākhangatha̱ kachungkha yuikhui. Chiwui thili Lystra, Iconium kala Antiochli latungluishita.

OTSAK 14:6

Paokazatbingna chi kathei eina Lycaoniawui keinung Lystra eina Derbe kala chiwui ruinganaili yāmvāhaowa.

OTSAK 17:14

Shitkasangbing china Paulli ngalāngda shamadruvāk chihovāhaowa, kha Silas eina Timothyva Bereali pamhaowa.

OTSAK 18:5

Silas eina Timothy Macedoniawui eina rākazang chitharan Paulva Jihudinaobingli Jishu hi Khristalaka da shākhi milaga pao hākashokli ningsanglak eina sāsai.

OTSAK 19:22

Chieina ana ali khangachona khani Timothy eina Erastusli Macedoniali chihovai, kha ava Asia ngaleili atam kasāngmeida pamhaowa.

ROMNAO 16:21

Ili otsakruma Timothyna nathumli shālam mili; kala iyur Lucius, Jason kala Sosipater athumnala shālam mili.

1 CORINTHNAO 16:10

Nathumwuili Timothy rarasaakha mathānthathup samphangmilu, khikhalajila ina kasā thada ana Prohowui ot sāda lei.

1 CORINTHNAO 4:17

Maram hiwui vang eina iwui leikashe kala Proholi ningtongda shitkasanga inao kathā Timothyli chihokharāna. Ina Khrista Jishuli ngarumda kharing mirin kashurlungli iwui pheisin kala chiwui pongli ina church kachiva̱li tamchithei kahai chi nathumli ana phaningung ngasakra.

1 CORINTHNAO 7:14

Mashitkasanga gahara chi shitkasangva̱ preiva̱wui mangā eina Varewui mangāli khuisangkapai ngasāhaowa; kala mashitkasang preiva̱ chi shitkasanga gahara chiwui mangā eina Varewui mangāli khuisangkapai ngasāhaowa. Chi maningsi kaje nanaongarā matharmara, kha chithada leiakha athum thara.

2 CORINTHNAO 1:1

Varivarawui ningkachāng athishurda Khrista Jishuwui paokazata ngasā kahaia Paul eina avānao Timothyna Corinthli khalei Varewui church kala Achaiali khalei Varewui mibing saikorali kagapina.

2 CORINTHNAO 1:19

Silvanusna nilala, Timothyna nilala, ina nilala tamchitheida khalei Varewui Naomayara Jishu Khrista hiya “Ninglapai” “Maninglapai” kaji maningmana. Kha awuili Varewui “Ninga” kaji lei.

PHILIPPINAO 1:1

Khristawui rao Paul eina Timothywui eina— Philippili khalei church kathanabing eina khangachonabing zangda Khristali ngarum kahai Varewui mibing:

PHILIPPINAO 2:19

Prohowui khamayāna jiakha ina Timothyli nathumwuili thaklāk eina chihorāra, chieina nathumwui pao shāda I ringphāpaira.

COLOSSIANAO 1:1

Khrista Jishuwui paokazata Paul kala ithumwui ichinā Timothy inina Varewui ningkachāng athishurda —

1 THESSALONICANAO 1:1

Paul, Silas, kala Timothywui eina Avāva̱ Varivara kala Proho Jishu Khristali kazanga Thessalonicawui churchli kagapina. Lukhamashan kala chingri kahai chi nathumwui ngasāranu.

1 THESSALONICANAO 3:2

Kala Khristawui paokaphā hākashoklungli Varewui vang ithumli otsakruma Timothyli nathumwui shitkasang ngatarmei khavai kala kasatsang khavai kachihona.

1 THESSALONICANAO 3:6

Ara Timothy hanunghaira kala nathumwui shitkasang kala leikashiwui pao unghānghaira. Nathumna ithumli phaningungchinga kala nathumli theikhangai thada nathumnala ithumli theingailaka kaji ana unghānghaira.

2 THESSALONICANAO 1:1

Paul, Silas, kala Timothywui eina— Ithumwui Avāva̱ Varivara kala Proho Jishu Khristawui alungli khalei kala Thessalonicawui churchli kagapina:

1 TIMOTHY 1:18

Inaomayara Timothy, nawui maramli hāngkahai marāntui chiwui athishurda ningkhami hi ina nali horsangkhamina. Nana mathāmeida ngararpai khavai tuibing chi raisāri sāda shichinlu.

1 TIMOTHY 1:2

shitkasangwui pongli kachangkhat inao sārān kaje Timothylina: Avāva̱ Vare kala ithumwui Proho Khrista Jishuna lukhamashan, phaningkhami kala chingri kahai miranu.

2 TIMOTHY 1:2

khaluma inaomayara Timothyli kagapina. Avāva̱ Varivara, kala ithumwui Proho Khrista Jishuna nali lukhamashan, phaningkhami kala chingri kahai miranu.

2 TIMOTHY 1:5

Nashāyi Lois eina nashāva̱ Eunicewui shitkasang katha nawui ningkathar shitkasang chi ina phaningunga kala chi nali leichingrada shitsangchaowa.

2 TIMOTHY 3:11

ili rekakharek, kala ina kachotkachāng kaphung chi nana theikhuihaira. Antioch, Iconium kala Lystrali hāngkhavai makhalei rekakharek ina khānghaira kaji nana thei! Kha saikora hiwui eina Prohona ili kanshokmi.

PHILEMON 1:1

Khrista Jishuwui vang eina phātop kazanga Paul kala ivānao Timothy inina ithumwui ngasota kala otsakruma Philemon;

HEBREWNAO 13:23

Ivānao Timothy phātopwui eina shokhaira kaji nathumlila theingasakngaiya. Ana thākta raakha, ina nathumwuili kharā tharan ini ngasorāra.