OTSAK 15:9 - Kathara Bible (BSI)

⁹ Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

OTSAK 15:9 Iomraidhean Croise

LAA 51:10

O Vare, ili wuklung kathar semsangmilu, kala kadhara kala khamashunga manglā sangmilu.

EZEKIEL 47:22

Nathum saikora kala nathumli ngasopamda nao pharāsang kahai athum saikoralila ngayarmiserki kajina. Athumla Israelshang thāda luichumnaosera; chiwui vang athumlila Israel shangli khayar thāda yarphalungra.

OTSAK 10:15

Kha akhon china hāngluishita, “Varena tharngasak kahai hili nana khamakhaoana majipaimara.”

OTSAK 10:28

Ana athumli hānga, “Jihudi akhana Gentile akhawui shimli khavā lah khangaso hi masākapai otna kaji nathumna thei. Kha mi khipālikha matharmana lah khamakhaoana da makhuipaimana kaji hi ili Varena chitheimihaira.

OTSAK 10:34

Chieina Peterna hāngphokuwa, “Ara ina thei kaja Vare hiya mimai mayangmana,

OTSAK 11:12

Athumli ningkhamaong maleila ngasovā khavai ili Manglāna hānga. Joppawui eina shitkasanga ivānao tharukla Caesareali ili ngasovai kala ithum saikora Corneliuswui shimli azanga.

OTSAK 14:1

Ara athumna Iconiumli Jihudiwui synagogueli vālaga tamkachithei eina Jihudinao kala Greeknao kachungkhana shitsanghaowa.

OTSAK 14:27

Anina Antioch ungkashung eina Churchwui mibingli kaziprumda Varena anili shichinlaga kathada sāmamei kala kathada Gentilebingna shitsang khavai khāmong shomikhala kaji athumli hāngchithei.

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

ROMNAO 3:9

Chithākha ithum Jihudibingna Gentilebingli phākhamei leilā? Maleimana, maleilākmana. Kachiwui vangkhala kaja Jihudibingla, Gentilebingla saikora morei pangshapwui azingli leisera da ina hānghaira.

ROMNAO 9:24

Kaja ithum ana hokhui kahaibingna, Jihudibingmāngli maningla kha Gentilebingla zanga.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

1 CORINTHNAO 7:18

Varena hokakhui tharan ahui rimshokhairasākha chithāpapamhaoranu. Marimkashok mili hokhuiakha marimshokluiaranu.

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

EPHESIANAO 3:6

Ngathum kahai tui chi hina; paokaphāwui mangā eina Gentilebingna Varewui sokhami chi Jihudibingli ngarumda samphanga kala shimluikatruma sāda Khrista Jishuwui mingli ngashitmi kahai chi samphangrumra.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.

1 PETER 1:22

Achinā ngarāli ningtharda leishi khavai khamashung chili kahāng khanganāwui vang nathum khalatta tharhaogada, nathum akha eina akha ningtongda wuklung eina leishi ngaroklu.