OTSAK 15:11 - Kathara Bible (BSI)

¹¹ Ithumna shitsanga kaja Proho Jishuwui lukhamashan mangā eina athumli huikakhui thada ithumlila huikhuihaira.”

OTSAK 15:11 Iomraidhean Croise

ROMNAO 3:24

Kha Varewui lukhamashan lemmet chiwui athishurda Jishu Khristana ngatangkhamiwui mangā eina athumli mashungmihaira.

ROMNAO 5:15

Kha khani chi mangaraichāmana, kaja Varewui lemmet chi Adamwui morei mathāmana; kachiwui vangkhala kaja mi akhawui moreiwui vang mi kachungkha kathi samphanga kaji mashunga. Kha Varewui lukhamashan hiya chili hakmeikhara. Chithada sāda mi akha kaja, Jishu Khrista, chiwui lukhamashan mangā eina mi kachungkhali lemmet mi.

ROMNAO 6:23

Kachiwui vangkhala kaja moreiwui sāman kathina, kha Varewui lemmet chiya ithumwui Proho Jishu Khristawui lungli katang makhavai kharing china.

1 CORINTHNAO 16:23

Proho Jishuwui lukhamashan chi nathumli ngasomiranu.

2 CORINTHNAO 13:14

Proho Jishu Khristawui lukhamashan, Varewui leikashi kala Manglā Katharawui ngasokhami chi nathum saikorawuitungli leimichingranu.

2 CORINTHNAO 8:9

Proho Jishu Khristawui lukhamashan nathumna thei; kaja ana shānglaklala nathumwui vang eina chāmhaowa; awui kachām chi eina nathum shāngkhavaina.

GALATIANAO 1:6

Khristawui lukhamashan mangā eina nathumli hokakhuia ali nathumna hiyākha thākta hathailaga khangateili paokaphāna da thuikahai theilaga I matakhakhai.

GALATIANAO 2:16

Thalala ithumna thei kaja ainwui otsakna khipalikha mamashungmirarmana, kha Jishu Khristali shitkasang manga einana, ainwui otsakna maningla Jishu Khristali shitkasang manga eina mashungmi khavai ithumna Jishu Khristali shitkasangna, kaja ainwui otsakna khipalikha mamashungmirarmana.

TITUS 2:11

Kaja mikumo saikorali huikhui khavai Varena awui lukhamashan chitheimihaira.

PHONGKHAMI 5:9

kala athumna laa kadhar akha sai: “Lairik akhalui chi khuida chiwui mahor namkahai sākhaingayilak kaje chi nalāka, khikhalajila nali sāthathaowa, laga nawui asheena shang kachiva̱wui eina, tuiyur kachiva̱wui eina, miyur kachiva̱wui eina, kala ngalei kachiva̱wui eina, Varewui vang mi lokhuihaira.