OTSAK 15:1 - Kathara Bible (BSI)

¹ Judeawui eina mi kaikha rālaga shitkasangbingli, “Moseswui ain athishurda ahui marimshokakha kahui masamphangmara” da tamchitheiphoka.

OTSAK 15:1 Iomraidhean Croise

PĀNGMONSHI 12:3

Kala kachishatathang naowui ahui rimshokmira.

JOHN 7:22

Mosesna nathumwui naongarāli ahui rimshok khavai kasoi, (kachangkhatpāva Mosesna maningla nawo ngarāna haokaphokna) kala nathumna nanaongarali Sabbath zimiksholi ahui rimshoka.

OTSAK 1:15

Chitharan Peterna avānaobingwui (athum mi shakha maga̱ sha̱kha ngasokapam chiwui) ngachaili nganingda hānga,

OTSAK 15:22

Chiwui thili paokazatbing eina ararnaobing kala church hupva zangda mi saikorana Paul eina Barnabasli Antiochli ngasovā khavai athumwui ngachaiwui eina mi kaikha kapangkhuisa da mayāngaroka. Shitkasangabingna khayāshilak kahai Barsabbasla kaho Judas eina Silasli kapangkhui,

OTSAK 15:23

kala chithi chi hithada kapilaga anili sangmida chihovai: “Paokazatbing ararnaobing kala navānaobingna Antioch, Syria kala Ciliciali khalei shitkasanga Gentilebingli shālam mili.

OTSAK 15:24

Ithumwui khamayā makhuila ithumwui mi kaikhana nathumwuili rālaga athumwui kahāng china nathumli khanang ngasakhaowa kaji ithumna shāhaira.

OTSAK 15:3

Churchna athumli chihovai kala athumna Phoenicia kala Samaria vākānda Gentilena Vareli kathada shitsanghaokhala kaji hāngchithei kala pao hina shitkasangbing saikorali mathān ngasaka.

OTSAK 15:32

Judas eina Silas, anila marān sāthuda anina kasatsangmida avānaobing chili pangngsaka.

OTSAK 15:5

Kha Phariseewui mijang kasā shitkasanga kaikhana nganingkāda, “Gentilebingli ahui rimshokphalungra kala Moseswui ain mayon khavai hāngphalungra” da hānga.

OTSAK 21:20

Athumna chi shālaga Vareli masochikata. Chieina athumna hānga, “Ivānao Paul, Jihudi thing kayākhana shitsanghaira kala athum ainli kayākha ningtongkhala kaji nana theipaira.

OTSAK 6:14

Kaja kathara shim hi Nazarethwui Jishuna sākhayānghaora kala Mosesna ithumli mikahai khangachāyan chila ngachei ngasakra da kahāng ithumna shāhaira.”

GALATIANAO 2:1

Ina Barnabasli ngasoda, Tituslila hokhuilaga kum tharāda matiwui thili Jerusalemli vāluishita.

GALATIANAO 5:6

Kaja ithumna Khrista Jishuli ngarum kahai tharan, ahui rimkashoknala, marimkashoknala ngatei khangasak khikha maleimana. Leikashi mangā eina ot sākhangasaka shitkasang china khamataina.

GALATIANAO 6:12

Nathumli ahui rimshokphalungra da tandi kasābing chiya akorli maikhayā chitheikhangaibingna. Athumna kasā hiya Khristawui krushwui vang eina athumli marekharek khavaina.

COLOSSIANAO 2:16

Chiwui vang eina nathumna khishak-khizāra kajinilala, kathara zimiksho khamayonli nilala, changwokwui pongli nilala kala sabbathwui pongli nilala mi khipānakha bichar masaaranu.

COLOSSIANAO 2:8

Ngasharlu kaja Khristawui eina kharā maningla awo-ayiwui eina maron-maron tamchitheikharā, apuk-apaga khamunga makaphā manglāwui eina kharā kala mikumowui thangkhamei mareimarāwui eina kashok china nathumli rao masā ngasakalu.