OTSAK 14:4 - Kathara Bible (BSI)

⁴ Keinung chiwui mibing khum khani sāhaowa, kaikhana Jihudibingwui kala khangatei kaikhana paokazatbingwui mijang zanga.

OTSAK 14:4 Iomraidhean Croise

MICAH 7:6

kaja anaomayarana avāva̱li ningkachai, anao ngalāva̱na ava̱va̱li ngaruka arihāva̱na aniva̱li chithāpapama, yangkashe chiya a khalatta awui shimkhurwui mipapama.

LUKE 2:34

kala Simeonna somida ava̱va̱ Maryli hānga, “Yanglu, angangnao hi Israel kachungkha konglui khavai kala ngakarthui khavai, kala hānghaikasawui khudam sāda kapangkhui kahaina

JOHN 7:43

Hithada sāda athumwui ngachaili Jishuwui maramli ning ngakai khangarok shokhaowa.

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 13:45

Yarui kachungkha kakazip chi Jihudibingna theilaga mikpaishihaowa kala athumna Paulna kahānghāng chili yetta ali kazeila zeiya.

OTSAK 13:50

Kha keinungwui kathānabing eina khangatara khamaho sha̱naobingli Jihudinaobingna thara̱sanglaga Paul eina Barnabasli rekhareka kala aramwui eina kashamhaowa.

OTSAK 14:14

Kha paokazata Barnabas eina Paulna chi kashā eina aniwui kachon serkhaklaga yaruiwui lungli yongshokta vaowa,

OTSAK 14:19

Chiwui thili Jihudinao kaikha Antioch kala Iconiumwui eina rālaga yarui chili suikhuida, Paulli lunggui eina thamngasaka kala thihairada phaninglaga keinungwui ayarli athumna shimenshokhaowa.

OTSAK 14:2

Kha mashitkasanga Jihudinaobingna Gentilebingli hāngkasotta shitsang kahaibing chili mamayā khavai sai.

OTSAK 14:5

Gentile eina Jihudi kaikhana athumwui kathānabingli ngasoda paokazatbingli zakshilāk eina sālaga lunggui eina horthat khavai khangarān sāhaowa.

OTSAK 19:9

Kha mi kaikhana ning makanghaoda mashitsangrarmana kala yaruiwui mangāli Prohowui pongli makaphā tui matui. Chieina Paulna athumli horhailaga shitkasangbingli thānkhuida Tyrannus kazipshimli thangkachida ngayāt ngaroka.

OTSAK 28:24

Athum kaikhana awui tui khuisanga kala kaikhana mashitsangmana.

1 CORINTHNAO 9:5

Khangatei paokazatbing kala Prohowui agato ngarā kala Peterlongwui thada ithumla preiva̱ thānkaphungwui mashun maleimalā?

1 THESSALONICANAO 2:14

Ivānaobing, Judea ngaleili khalei Varewui churchbing, Khrista Jishuli kazanga mibingli kashok tākam eina nathumlila shoka. Jihudibingwui pāngli athumna kachotkachāng samkaphang chithada nathumla nathumwui miyurwui pāngli kachotkachāng samphanga.