OTSAK 14:3 - Kathara Bible (BSI)

³ Chieina anina chili atam kasāngkha pamsangda Prohowui vang pinglak eina tamchithei kala lukhamashanwui chānpao chi mashunga da shākhi mida aniwui pāng eina machut kala matakhak kahai otla sai.

OTSAK 14:3 Iomraidhean Croise

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

JOHN 4:48

Chieina Jishuna ali hānga, “Nathum hiya machut kala matakhak kahai otsak matheiranglakha eina tangda mashitsangmana.”

OTSAK 13:46

Kha Paul eina Barnabasna pingmeida hānga, “Rimeikapta Varewui tui hi nathumli hāngchitheiphalungki kajina. Kha nathumna katang makhavai mirin masamphangngaimada khalan kahaiwui vang, nathumli haiphungda ithum Gentilebingli vāhaora.

OTSAK 2:22

“Isrealnaobing, tui hi nganāmilu, Nazarethwui Jishu hi Varewui ngasokhami mangā eina nathumwui ngachaili hakkhamahā otla, matakhak kahaila kala machutkakhui otla kasā nathumna theihaira.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 20:32

Ara ina nathumli Varewui yangkhami kala awui lukhamashanwui tui chili horsangli, tui china nathumli reisang ngasakshapa kala awui mi saikorali Varewui sokhami mishapa.

OTSAK 4:31

Seihā sāchang kahai eina athumna kakazip apam chi nganukhaowa; kala athum saikora Manglā Katharana pemhaida Varewui tui pinglak eina matui.

OTSAK 5:32

Kala ithumna ot saikora hiwui shākhina. Chithada sāda awui kahāng khanganā athumli Varena khami Manglā Kathara chinala shākhina.”

ROMNAO 1:16

Ina paokaphāwui vang makhayakmana, khikhalajila hi shitkasanga mi kachiva̱li, rimeikapta Jihudibingli kala Gentilebinglila huimi khavai Varewui pangshapna.

1 THESSALONICANAO 2:2

Nathumli marāranglakha, Philippili rekharekta ithumli maishi khangasak chi nathumna thei, kala chili ngasung khavai tarākha leisālala paokaphā chi nathumli hāshok khavai ithumli malungkaping sangmi.

HEBREWNAO 2:4

Varena machutbing, matakhak kahai kala mina masākharar otsakbing kala awui ningkachāng athishurda ngayarkhami Manglā Katharawui lemmet chieina shākhi mi.