OTSAK 13:6 - Kathara Bible (BSI)

⁶ Athumna tara̱na kuinam kahai ngalei kachungkha kānvāda Paphosli vākashung tharan, Jihudinao akha Bar-Jishu hoda, meowor kathema kala minama marān akha samphanga.

OTSAK 13:6 Iomraidhean Croise

1 WUNGNAOBING 22:22

Prohona ali hānga, ‘Kathāda asuira?’ Ana ngahānkai, ‘Ina vāda marān saikorawui khamorli kakapik matui khavai manglā asangmira.’ Ana hānga, ‘Nana asuira kala ot shokphalungra, vāda asaulu.’”

1 THOTRINCHĀN 10:13

Saulna ningtongda mashitkasangwui vang thihaowa; kaja Proholi mashitsangmada awui kahāng manganāla thānmi khavai khanongli angasana;

SHONGZĀ 22:18

“Nathumna laivā kasā sha̱naoli maokthui ngasakpaimara.

PĀNGMONSHI 20:6

“Kala sha̱ khangasobing, mitrangbingli shurthuida pha̱khayorli kazanga chili ina mamayāmara, kala ali awui miyurwui eina katathaora.

ZECHARIAH 13:3

Kala kachikathāna marān sāda rāluishitakha ali pharākakhuiya ava̱ eina avāva̱na hāngra, ‘Na maringmara, kaja nana Prohowui ming eina kakapik tui matui.’ kala ali pharākakhui ava̱ eina avāva̱na ali khamarān ot sāda leilakha rungthathaora.

MATTHEW 16:17

Chieina Jishuna ali ngahānkai, “Johnwui naomayara Simon, na ka̱lā mahai! Kaja nali asā khavaiya kala ashee kazangana phongkhami maningmana, kha kazingramli khalei iwui Avāna phongkhamina.

MATTHEW 24:24

Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

MARK 10:46

Athum Jericholi rai, kala Jishuna awui sākhangatha̱bing eina mi kachungkha chili ngasoda zatuki kaji tharan mik khangapeoa, Bartimaeus kaho Timaeuswui naomayara chi shongfapheili zāt popamda leisai.

OTSAK 13:13

Chiwui thili Paul eina ali khangasobingna Paphoswui eina marikhong tonglaga Pamphylia ngaleiwui keinung Pergali vai. John Markna athumli, apam chili chihohailaga Jerusalemli latunghaowa.

OTSAK 13:8

Kha meowor kathema Elymas (Chi Greek tuiwui amingna)na athumli mamayāmana kala governorli shitkasang chili mazang khavai khangarān sai.

2 CORINTHNAO 11:13

Athum hiya Khristawui paokazata tākam eina sakakhaninga minamma paokazata kala kakapik ot kasābingna.

2 TIMOTHY 3:8

Jannes eina Jambresna Mosesli makhamayā chithada ning makhalei kala shitkasang makhalei mibing china khamashung chili mamayāmana.

1 JOHN 4:1

Leikashebing, Manglā kachiva̱li mashitsangalu: kha Varewui eina samkaphang manglākā maningkhala kaji chāng yanglu, kaja mikhanama marān kachungkha okathuili shokhaira.

PHONGKHAMI 19:20

Sāyur chili kala ali ngasoda minama marān, awui mangāli matakhak kahai ot sāda sāyur chiwui mahor namkahai kala awui ama̱li khokharumbingli minamkakhuiya chili tuknarhaowa. Ani khanili meiri eina chuida khalei meiwui ngayili kharing eina horsanghaowa.