OTSAK 13:23 - Kathara Bible (BSI)

²³ Varena ngashitmi kahai athishurda Davidwui naotun Jishuli Israel yurwui Huikhame sāngasakhaira.

OTSAK 13:23 Iomraidhean Croise

2 SAMUEL 7:12

Nawui atam ungshungda navāngarā thāda kathi chitharan, ina nawui naongarā, nana pharākakhuiya akhali awui wungram semkāmira.

LAA 132:11

Prohona Davidli kachangkhat ngashita, chiwui eina ana masa̱na̱ungmara: “Nanao akhali ina nawui wungpamli chipamra.

ISAIAH 11:1

Jessewui angunrumwui eina ashon akha shonshokra, kala angayungbingwui eina aphāng akha shokra.

ISAIAH 11:10

Chitharan yurbingwui machut khavai Jessewui angayungna thuinganingra; miyurbingna ali phāra, kala awui pamkhavaibing tekmateishunra.

ISAIAH 43:11

“Proho chi Ilaka, huikhame khangatei maleiluimana.

ISAIAH 45:21

Hāngphatta nathumwui tuingaphun rāhānglu; athum ngasankhuingarumranu! Achālakha hi khipāna hāngkhala? Achālakhawui chi khipāna lānmi? Chi Proho ina maningmala? Kala I maningla vare katei maleiluimana, khamashung Vare kala Huikhame, I maningla katei maleiluimana.”

ISAIAH 7:13

Chieina Isaiahna hānga, “Chieina nganālu, O Davidwui shimkhur! Mibingli khanang khangasak chi mashapmada iwui Varelila khanang ngasakki kajila?

JEREMIAH 30:9

Kha athumna athumwui Proho Vareli kala awunga Davidli, athumwui vang ina sakāmiki kaje chili otram ngatha̱ra.

AMOS 9:11

Atam chili Davidwui shim konglui kahai chi ina khāngmathotluira phākho kakai chi chipholuira, kala ngayāng kahai chi sākhuiluira, kala achālakhawui thāda sākāluira,

ZECHARIAH 9:9

Ringphālu, O Zionwui naongalāva̱! Pangda vaolu, O Jerusalemwui naongalāva̱! Yanglu, nawui awunga gadhā alānao akhali tongda nawuili rārāli; maikhayā kala khayuiya chi alaka,

MATTHEW 1:1

Hi David kala Abrahamwui Naomayara Jishu Khristawui mi-un lairikna.

MATTHEW 1:21

Ana naomayara akha pharāra, nana awui ming Jishu phokra, kaja ana awui mibingli athumwui moreiwui eina huikhuira.”

MATTHEW 21:9

Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

MATTHEW 22:42

“Nathumna Khrista chi khipāna da phaningkhala? A khipāwui naomaryarakhala?” “A Davidwui naomayarana” da athumna ngahānkai.

LUKE 1:69

Awui rao David shimkhurwui eina ana ithumwui vang pangshap khaleia Huikhame akha shokngasakhaira;

JOHN 4:42

Athumna sha̱naopava̱ chili hānga, “Nana kahāng chiwui vangmāng ithumna shitkasang maningmana, kha ithum khalattana awui tui shāhaira kala a hi okathuiwui Huikhamelaka da ithumna theihaira.”

JOHN 7:42

Kathara lairikli hāngkahai Messiah chi Davidwui shangnaora kala Davidna pamkasa keinung Bethlehemli pharāra” da hanghaili ji.

OTSAK 13:32

Chiwui vang eina Varena ishāvā ngarāli ngashitmi kahai paokaphā chi nathumli khuirāmi khavai hili ithum leili,

OTSAK 2:30

A marān akhana kala awui wungpamkhongli awui naotun akha chipamra da Varena ngashitmi kahai chi ana thei.

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

OTSAK 4:12

Huikhami hi khangatei khipākhawuilila maleimana, okathui hupva̱li mibingwui ngachaili aming hi maningla khangatei huimishapa aming mikahai maleilakmana.”

ROMNAO 1:3

Tui hi awui Naomayara ithumwui Proho Jishu Khristawui aponglina. Mikumowuishong einava a Davidwui ara̱-azāna.

ROMNAO 11:26

Hithada sāda Israel katongali huikhuihaora. Hithada kapihaida lei: “Huikhame chi Zionwui eina shokra. Kala Jacobwui ara̱-azāwui eina makaphā-makhayā saikora khuishokmihaora.

TITUS 1:4

Ina shitkasangwui lungli inaomayara hokapaiya Titusli kagapina: Avāva̱ Varivara kala ithumwui Huikhame Khrista Jishuwui lukhamashan kala chingri kahai tāshungmiranu.

2 PETER 1:1

Varewui khamashung khangarongli kala Jishu Khristawui lungli ithum shitkasang samphang kahaibingli ngaraichā eina Jishu Khristawui rao kala paokazata Simon Peterna kagapina.

2 PETER 1:11

kala ithumwui Proho kala Huikhame Jishu Khristawui katang makhavai Varewui wungramli zangpai khavai apong tārakha eina ithumli ngarānmira.

2 PETER 2:20

Huikhame Proho Jishu Khristawui mangā eina theithangmeida okathuiwui khamakhaowui eina yāmshoklaga chiwui khalenli tāzangluiakha, khare mirinli khanaopā zakshimei.

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.

2 PETER 3:2

achālakha kathara marānbingna hāngmarānmi kahai kala Huikhame Prohowui ningkhami chi nathumwui paokazatbingwui mangā eina phaningungchingphalungra.

1 JOHN 4:14

Chiwui vang eina okathuiwui Huikhame sākhavai Varena Anaomayara mihaira kaji hi ithumna mik eina theida mi kachiva̱li kahāngna.

JUDE 1:25

kala Proho Jishu Khristawui mangā eina ithumwui Huikhame Vare chili tekhamatei khangam-kharei, khamashung kala sāshap pangshap saikora thot kachida, aruila naodala mashimānda awui sachingrānu. Amen.

PHONGKHAMI 22:16

“Jishu ina, churchbingli shākhitui hi hāngmi khavai iwui kazingrao kashirātna. I Davidwui angayung kala naotun, kahora zingthānwona”,