OTSAK 13:2 - Kathara Bible (BSI)

² Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 13:2 Iomraidhean Croise

1 THOTRINCHĀN 16:4

Chili lāngda Prohowui ningkhami oko mangāli pamda Vareli pomi khavai masot mikhavai, ningkashi chithei khavai Levinao mi kaikhali kapangsanga.

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

MATTHEW 17:21

“Kha hikathā hiya seihā kasā kala kakhum eina maningla kalikha mashokrarmana.

MATTHEW 6:16

“Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 9:38

Chiwui vang eina kahātwui akhavā Proholi kahāta mi chungmeida shirāt khavai seihā sālu.”

LUKE 10:1

Chiwui thili Jishuna khangatei hangshinili kapangkhuida ana vāki kaji keinung kachiva̱li mi khanini eina ali rida chihovai.

LUKE 2:37

kala kum hangchishata mati kakā eina tangda ra̱meipama. Ana ngashun ngayā mateila kakhumla khum, seihāla sāda Vareli khorumlaga khorumshimwui eina mathuilakmana.

OTSAK 10:19

Mahākhami chi Peterna phaningkachungda leilakha, Manglāna ali hānga, “Simon nali mi kathumna phāda leili.

OTSAK 10:30

Chieina Corneliusna hānga, “Matithang shānghaira, arui atam himaikha ina iwui shimli pung kachikowui seiha salakha; yanglu, kahāna kachon khangavai mi akha kashuirak iwui mangāli ranganingda

OTSAK 13:3

Chieina athumna kakhum eina seihā kasā kupkahaiwui thili aniwuitungli pāng khāngkāda seihā sāmilaga chihohaowa.

OTSAK 13:4

Manglā Katharana kachiho athishurda anina Seleuciali vai kala chiwui eina marikhong tongkhuida Cyprusli vāzanga.

OTSAK 14:26

kala chiwui eina marikhong tongkhuilaga Antiochli latunga. Hi anina sākupchamkahai otsinwui vang Varewui lukhamashan pāngli horsangkhami apamna.

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 22:21

Chieina ana ili hānga, ‘Zatulu, ina nali katāva̱li khalei Gentilewuili chihovāra.’”

OTSAK 4:36

Chithada sāda Cyprusli kapharā Joseph kaho Levi akha, paokazatbingna Barnabbasla kaphoka, (chiwui kakhalata “Kasatkasangwui naomayara”) ana,

OTSAK 6:4

Laga ithumva seihā kasā kala pao hākashok māngli ningyāng chigatra.”

OTSAK 8:29

Kala Manglā Katharana Philipli hānga “Garipamshong nganaimeida vālu.”

OTSAK 9:15

Prohona ali hānga, “Zatlu, ina ali miyur khangateibing, awungabing kala Isrealnaobingli iwui ming theingasak khavai kapangkhui kahai khutlaina.

ROMNAO 1:1

Varena awui paokaphā hashok khavai hokhui kahaia rao Paulna kachiphun chithina.

ROMNAO 10:15

Kala pao phungmebing machihoakha kathada hāshokrakhala? Hithada kapihaida lei: “Paokaphā khuikaphungbingwui kharā chi teokha matakhakhailakle!”

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

1 CORINTHNAO 12:11

Kha hi akhamāng kaje ngaraikachā Manglā china kasāna. Ana ningkachāng athishurda mi kachiva̱li lemmet ngateida mi.

1 CORINTHNAO 7:5

Seihā sākhui khavai khaninina mayāngarokta atam kasha̱nakhawui vang pākkhangarok maningakha akha eina akha mamayā khangarok masaalu, pāksālala ngakumluishitlu, maningakha khalatta mangarinkharar eina Satanwui kasuili tazanghaipaishina.

2 CORINTHNAO 11:27

Ringkashi kachotkachāng ngayā mapikakhui, kathai, ra̱kachang, kasāngkharei kakhum, kasik kala kashankachon makhangavai kachungkha shida samphanghaira.

2 CORINTHNAO 6:5

Kashaola, phātop kazangla, khonkazārla, ot kasāla, makapila, kakhumla ithumna khānga.

GALATIANAO 1:15

Kha Varewui lukhamashan eina I mapharāranglakhawui eina ali otram ngatha̱ khavai ili hokhui kahaina.

EPHESIANAO 3:7

Awui ot kasā pangshapwui mangā eina Varena ngakheikhang eina khami lemmet china ili paokaphawui rao sāngasaka.

KHALATLUI 10:8

Atam chitharan Prohona Levinaoli ngateida khaishoklaga, Prohowui tuingashitwui oko chi phungzat ngasaka kala awui mangāli nganingda otram ngatha̱ khavai, awui ming eina somi khavai sāda aja eina tangda chikathāna.

COLOSSIANAO 4:17

Kala Archippusli, “Prohowui otram ngatha̱ khavai nali mikahai ot chi sākuphalungra” da hānglu.

1 TIMOTHY 2:7

Hiwui vang ili paokazata akha thada kala Gentilebingwui ojā sāda chihovai. Hi mashunglaka, kakapik tui maningmana.

2 TIMOTHY 1:11

Paokaphā hi hāshok khavai kala tamchithei khavai Varena ili kapangkhui.

2 TIMOTHY 2:2

kala shākhi kachungkhawui mangāli iwui eina shākahahai chi mi khangateibinglila tamchitheishapki kaje shitsangkapaia mibingli chisinlu.

2 TIMOTHY 4:11

Lukemāngna ili ngasopamda lei. Markli ngasorālu, ana iwui ot kasāli ngachonshapra.

2 TIMOTHY 4:5

Kha nava ngarakzak eina sālu, kachotkachāng khānglu. Evangelist akhana sāran ot chi sālu, kala Varewui otram khangatha̱ akha sāda nana sāran ot chi ungshung ngasaklu.

HEBREWNAO 5:4

Khayākakā pāngmon kharei sākhavai khalatta makapangkhuimana. Aaronli hokakhui thada Varena hokakhui mi chili sākhangasakna.

1 SAMUEL 2:11

Chiwui thili Elkanahna awui shim Ramahli unghaowa. Kala nao china Elili ngasoda Proholi otram ngatha̱ya.