OTSAK 13:11 - Kathara Bible (BSI)

¹¹ Prohowui makhamayā nawuitungli leihaira; namik ngapeohaida zimikwui kahor atam kasha̱khawui vang matheimara.” Chili ngalāngda leichui khangapui thada amik tangmangtinghaowa kala ali thara̱zatmi khavai mi phaung phāvai.

OTSAK 13:11 Iomraidhean Croise

HAOKAPHOK 19:11

Kala anina shim chiwui khāmong ngalemli khalei khararnaosan katongali mik ngapeomiserhaida khāmong phākachupzatuwa.

2 WUNGNAOBING 6:8

Atam akhali Syriawui awungana Israelli rai khangarar tharan, ana awui raobingli, “Apam hibingli iwui rāmrah sāra” da ngasanda hānga.

JOBWUI LAIRIK 19:21

Ili khalumashanmilu, ili khalumashan milu, O iwui ngasotnaobing, kaja Varewui pāngna iwuitungli rasāza̱haira!

LAA 32:4

Kaja ngashun ngayā iwuitungli napāng ritlak eina parhai; lumkachāngwui kasāwui vang thāda, iwui yāng thenghaira.

LAA 38:2

Kaja nawui malāthing ili ngaphumhaira, kala nawui pāng iwuitungli tāshunghaira.

SHONGZĀ 9:3

Prohowui pāng eina zakkashi seimao rāda luili khalei siguibing, gadhābing, utbing, seibing, yaobing kala mebing saikorawuitungli tāra.

ISAIAH 29:10

Kaja Prohona nathumwuitungli piphupkhangaiwui manglā heirorhaira, kala marānbing, nathumwui mik fakhammihaira, kala kui fakhammihaira.

JOHN 9:39

Jishuna hānga, “Ina okathuili bichar sākhavai kharāna. Chieina mik khangapeobingna kathei samphangra kala katheibingna ngapeohaora.”

OTSAK 9:17

Chieina Ananiasna vāda shim chili azanga kala Saulwuitungli pāng parrorda “Ivānao Saul,” da hānga, “nana kathei samphangluishit khavai kala Manglā Katharana pemtinghai khavai, na apam hili rākhavai zatta leilakha shongfali rākachitheia Proho Jishu china ili shirāt kharāna.”

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

HEBREWNAO 10:31

Kharinga Varewui pāngli tākazang hiya khangachee khangacham otna.

2 PETER 2:17

Athum hiya thengkahai ura̱wok kala masina phankazat leichui kathāna. Varena kazeiramli athumwui vang pam ngarānhaida lei.

1 SAMUEL 5:11

Chiwui vang eina, Philistinewui wungnao saikorali hokhuilaga, “Israelwui Varewui oko chi chihounghaolu, kala awui pamli unghaoranu, chieina china ithum kala ithumwui mibingli masāthatmara.” da hānga. Kaja keinung katonga khangacheena nganukyikhaowa.

1 SAMUEL 5:9

Kha athumna chili khuikhavā eina keinung chilila, Prohona tandi mida khararnaosan mateila keinung chili moksā shokserhaoda khangacheena nganukyikhaowa.