OTSAK 13:10 - Kathara Bible (BSI)

¹⁰ “Chipeewui naotun, khamashung saikorawui yangkashe, nava kachipat eina makaphāwui marei-marā kathemana. Prohowui khamashung shongfa mashongachei ngasakchingrala?

OTSAK 13:10 Iomraidhean Croise

HAOKAPHOK 18:19

Maningmana, kaja awui naongarāli, kala awui shimkhurli anaolamshong eina tangda kathar eina khamashung eina Prohowui shongfali zatkhavai kala Prohona ngashitmi kahai chi Abrahamna samphang khavai ali kapangkhui kahaina.”

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

2 THOTRINCHĀN 17:6

Proholi chihanchaoda malung pinglak eina ana kajujuipambing kala Asherim chi Judah ngaleiwui eina khuithuimiserhaowa.

HĀSHOKME 9:3

Miwui ningli makaphāna pemtinghailala, kala athumna ringlakha kapā kaho chi athumwui wuklungli leisālala, atam khaung tharān thisera kaji hi okathuili kalākashi akhana.

JEREMIAH 23:36

Kha ‘Prohowui kharitphun’ kaji hi nana mahangluimara, kaja kharit otphun hi mi khalattawui tuina, kala nana kharinga Vare saikorawui Proho, ithumwui Varewui tui mashongachei ngasakhaowa.

HOSEA 14:9

Kachikathāna thangmeiakha, hi theishingkhuiranu; theithangkhama china hi theiranu; chiya Prohowui shongfa khamashungana; chili mashunwui mina zatra, kha chonkhamakānbing chi phei ngaphoka.

MATTHEW 13:38

Lui chi okathui hina kala athā makhamathā chi chipeewui naongarāna.

MATTHEW 15:19

Kaja wuklungwui eina makaphā kaphaning: shaokathat, phokaphā, shāmkasā, khaleekasa̱, makhamashung shākhi khami kala khamashāt shoka.

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MATTHEW 3:7

Pharisee eina Sadducee kachungkhana ra̱hik khavaiwui vang kharā chi ana kathei tharan athumli hānga, “He phara̱wui naongarābing! Rāki kaji malungkhavātwui eina yāmkhavai nathumli khipāna hāngkhala?

LUKE 11:39

Chieina Prohona ali hānga, “Arui nathum Phariseebingna tengkot eina khongpheiwui ayar pheokhaninga, kha nawui alungliva kākharām kala makaphā-makhayāna pemtinghai.

LUKE 11:52

“Ain kathembing, nathum kakhanang ringkashi ngasāranu! kaja nathumna theishingkakhui aworwui sho khuithuihaida, nathum khalattala kazangla mazang kala zangkida khaleibinglila haphaowa.”

JOHN 1:23

Ana Isaiah marānwui tui eina hithada hānga, “Prohowui shongfa ngatar ngasaklu da lamhāngli vaokazat akhon chi ina”

JOHN 8:44

Nathum nathumwui avāva̱ chipee chiwuina, chieina nawui sākhangaiva nathumwui avāwui ningkachāng kasā china. Haokaphokwui eina a mi khayumana, kala khamashung ot masālakmana, kaja awuili khamashung maleimana. Kakapik hi awui khangachāna, kaja a kakapikana kala kakapik saikorawui avāva̱na.

OTSAK 20:30

Kala nathumwui ngachaiwui eina mashongacheida khamatuia kaikha shokta shitkasangabingli athumwui athi shurkhavai sāra.

2 CORINTHNAO 11:3

Kha phara̱wui mareimarāna Eveli mikhanam chithada, Khristali nathumwui khamashung kala kathar eina kachigat ning chi makhaohaipaishina da ngacheelaka.

GALATIANAO 1:7

Paokaphā khangatei maleiluimana, kha ina hi kahāngna kaja mi kaikhana nathumli pa̱ngapā ngasakta Khristawui paokaphā hi mashongachei khavai kasāna.

EPHESIANAO 4:14

Chithākha ithum marei-marā awor eina kateibingli khanguili thānkasang mikhanamabingwui tamkachithei, chiwui masi china phanung-phanvāda yuiung-yuivā kaje naoshinaobing chikathā mangasāmara.

2 PETER 2:15

Khamashung pongwui eina ma̱thuihaida khangui otsak eina lanli leikashe Beorwui naomayara Balaamwui thi shurhaowa.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.