OTSAK 12:7 - Kathara Bible (BSI)

⁷ Kashuirak eina Prohowui kazingrao akha chili tānganingda phātop shim chi horchamrihaowa. Kazingrao china Peterli yartui khanuklaga “Thakta ngakarthuilu” da mathota. Ngalāngda marikhanghui chi Peterwui eina ngalatāhaowa.

OTSAK 12:7 Iomraidhean Croise

2 SAMUEL 22:29

Mha, na iwui thaomei na, O Proho, kala iwui Varena tangkhamangli hormi.

1 WUNGNAOBING 19:5

Kala ana thingpompa̱ akhawui azingli ngayaisangda pikhavā eina, yanglu, kazingrao akhana ali sāza̱da hānga, “Thuiphazālu.”

1 WUNGNAOBING 19:7

Prohowui kazingrao china kakhane rāluishitta ali sāza̱da hānga, “Thuiphazālu, shongfa hirankha mazatthukpaishina.”

LAA 107:14

ana athumli tangkhamangwui eina khuishokmi, kala athumli narkahai eina khalāmi.

LAA 116:16

O Proho, I nawui raona; I naraona, narao sha̱naowui naomayarana. Ili khalap kahai nana khalāmihaira.

LAA 146:7

rekakharek kahaibingwui vang mashun sākhame; kathaiali kashakazā mikazaa, awui Proholi kachina mi chi ringkaphana. Prohona narkahaibingli chihomi.

LAA 34:7

Prohowui kazingraona ali khangacheebingli kuinama, kala athumli kanshokmi.

LAA 68:6

Ngachakyāng kahaiali pamkhavai Varena shim mi, narkahaibingli ana mataikasang pamli thānshokmi, kha ngakaikashena tākok kahai ngaleili pama.

ISAIAH 37:30

“Kala hina nawui machutkhui khavai sāra: ajakum mā aningsasak eina kashok chi zālu, kakhane kum chiwui rongrar zālu; kakathuma kum yaosangda kahātla hātkhuilu, kala drakhā yāmgui sāda chiwui atheila shailu.

ISAIAH 60:1

Ngakarthuilu, horlu; kaja nawui kahor rāshunghaira, kala Prohowui tekhamatei nawuitungli tāshungmihaira.

JEREMIAH 40:1

Jerusalem eina Judahwui eina tukkhuilaga Babylonli raithā kahai narkahaibingli ngasoda mari khānghui eina khalaplaga thānphungda khamayonawui kathāna Nebuzaradanna, Jeremiahli Ramahwui eina chiho kahaiwui thili Prohowui eina Jeremiahli kharā tuina.

EZEKIEL 43:2

Kala yanglu, Israelwui Varewui tekhamatei zingshoshong eina rārāsai; kala a kharāwui akhon tara̱ kachungkhawui akhon thai; kala awui tekhamateina okathui horra.

DANIEL 3:28

Nebuchadnezzarna hānga, “Shadrach, Meshach kala Abednegowui Vareli tekmateiranu! Athumwui Vare maningla vare khangateili khorumki kajiwui vang phasā chigat kahai mibingli kazingrao chihotāda, awui raobingli huikhame Vare chi tekmateiranu!

DANIEL 6:22

Iwui Varena awui kazingrao chihotāda kazingkha̱ khamor sāphinmihaida ili khikha mathāmana; khikhalajila, Varewui mangāli iwui khalāng khikha maleisāmana, kala O awunga, nawui mangālila ina khikha khalāng masāhailakmana.”

MICAH 7:9

Prohowui malungkhavāt chi Ina phungra. Kaja ina awui mangāli morei sāhaira, ana iwui vang maphayatmiranglakha, kala tuitak matāmiranglakha eina tangda phungra. Ana ili kahorli khuishokmira; awui ngatangkhami chi ina theira.

HABAKKUK 3:11

Nawui malā kāpkharāwui kahān, nawui kazei pharkharāwui khangashei theilaga, zimik eina kachāngna kachichāwui apamli ngasāmhaowa.

HABAKKUK 3:4

Awui kahān chiya kahor tākamhai, apāngwui eina zingrān shoka; kala chili awui pangshap thumhai.

MATTHEW 2:13

Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

LUKE 2:9

Athumwui ngalemli Prohowui kazingrao akha rāda Prohowui tekhamatei hingpik kahai china athumli kuimareida hora kala athum ngacheelakhaowa.

LUKE 24:4

Ningreikhasut eina leilakha hānshi kahai kachon khangavai mi khani athumwui ngalemli nganingsai.

OTSAK 10:30

Chieina Corneliusna hānga, “Matithang shānghaira, arui atam himaikha ina iwui shimli pung kachikowui seiha salakha; yanglu, kahāna kachon khangavai mi akha kashuirak iwui mangāli ranganingda

OTSAK 12:23

Ngalangda Prohowui kazingraona yapkārsanghaowa, khikhalajila Herodna Vareli mamasotchikatmana; kala ali kachaina shaida thihaowa.

OTSAK 12:6

Herodna yaruiwui mangāli khuishoklaga bichar sāra jithang ngayā, Peterli marikhānghui khani eina khalaplaga shantri khaniwui ngachaili chipethai, kala shantribingna phātop khamongli mayonpama.

OTSAK 12:8

Chiwui thili kazingrao china hānga, “Shaksākhuida pheihopla sangkhuilu.” Chieina Peterna chithada sai kala kazingrao china hānglui, “Nawui kachon ngavaikhuida ithi shurlu.”

OTSAK 16:26

Kashuirak eina neina̱ khanukta phātop shim chiwui shimphung eina tangda nganukhaowa. Chili ngalāngda khamong saikora shohaowa kala mari khānghui saikora chi mi saikorawui eina ngalatāserhaowa.

OTSAK 2:24

Kha Varena ali kathiwui kachotkachāng eina khalāmihaida ringngasakhaowa. Kathiwui pangshap china matuknarrarmana.

OTSAK 5:19

Kha ngayāshong Prohowui kazingrao akhana phātop shimwui khamongbing chi shomihailaga athumli khuishokta hānga,

OTSAK 9:3

Saulna zatmamānda Damascusli vāshungnanai kashuirak eina kuimareida kahor akha kazingramwui eina ali kaprorra.

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

HEBREWNAO 1:14

Athum hi kahui samphangki kaje athumli otram ngatha̱mi khavai chihorā kahai sheba sāme manglābing maningmala? Kala huimiki kajibingli ngachonmi khavai chihokharā manglā maningmala?

PHONGKHAMI 18:1

Chiwui thili ina kazingrao khangatei akha kazingram eina katā thei; pangshap leilak kahai akhana, awui kahān china okathui horchamrihaowa.