OTSAK 11:12 - Kathara Bible (BSI)

¹² Athumli ningkhamaong maleila ngasovā khavai ili Manglāna hānga. Joppawui eina shitkasanga ivānao tharukla Caesareali ili ngasovai kala ithum saikora Corneliuswui shimli azanga.

OTSAK 11:12 Iomraidhean Croise

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

JOHN 16:13

Khamashungwui Manglā chi kharā tharan, ana nathumli khamashung katonga chitheira. Ana a khalattawui sāshap eina mamatuimara kha ana shākakhui chi matuira kala rāki kaji chi ana nathumli chitheira.

OTSAK 1:15

Chitharan Peterna avānaobingwui (athum mi shakha maga̱ sha̱kha ngasokapam chiwui) ngachaili nganingda hānga,

OTSAK 10:23

Chieina Peterna athumli hozangda chithang ngayā awuili simzun sāngasaka. Akhama kathā athumli ngasovai kala Joppawui einala avānao kaikhala ngasovai.

OTSAK 10:45

Peterli ngasokharā ahui rimkashokbingwui eina shitkasang Jihudibing chi matakhakhaowa, kaja Varena Gentilebinglila Manglā Katharawui lemmet tāshungmi.

OTSAK 11:13

Kha ana kathada awui shimli kazingrao rānganinglaga, ‘Joppali mi chihovāda Peter kaho Simonli ahokhuilu,

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 13:4

Manglā Katharana kachiho athishurda anina Seleuciali vai kala chiwui eina marikhong tongkhuida Cyprusli vāzanga.

OTSAK 15:7

Sha̱rākha ngayāt ngarok kahaiwui thili Peterna nganingkāda hānga, “Ivānaobing, atam kasāngkha thuihaira, nathumwui ngachaiwui eina Gentilebingli paokaphā hāshok khavai ili Varena kapangkhui, kaja ikhamorwui eina athumna Varetui shālaga shitsanga kaji nathumna thei.

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

OTSAK 28:15

Romeli khalei shitkasangbingna ithum rāda lei kaji kashā eina keinung chiwui Appius leihngapha̱ kala Three Inns kahowui keinung eina tangda rālaga ithumli rāsamphanga. Paulna athumli kathei eina Vareli ningshi kala ningkhanganung samphanga.

OTSAK 8:29

Kala Manglā Katharana Philipli hānga “Garipamshong nganaimeida vālu.”

ROMNAO 3:22

Varena mikumoli mashungkhami hi Jishu Khristali shitkasangwui mangā einana. Jishu Khristali shitkasang mi saikorali Varena chithada sāmi, khikhalajila chili khikha khangatei akhala maleimana.

2 THESSALONICANAO 2:2

Kaja Prohowui Zimiksho rāhaira da khamatui china nathumwui ningli mapa̱ngapā kala makhanang ngasakalu. Hi ithumna khamarānli, hākashokli kala kakapili kahāngna da mibingna kaphaning thai.

PHONGKHAMI 22:17

Manglā kala Khām kahaiva̱ china “Rālu” da hānga. Nganāda khalei mi kachiva̱nala “Rālu” da hāngranu. Ra̱kachanga mi china rāranu, ningkachānga a china kharingwui tara̱ chi aman mamila rāmangkhuiranu.