OTSAK 10:9 - Kathara Bible (BSI)

⁹ Akhama kathā athumna shongfa zatmamānda Joppali rāshungnanai, ngashunlung atamli, Peterna seihā sākhavai dolāntungli kai.

OTSAK 10:9 Iomraidhean Croise

2 SAMUEL 11:2

Thangngashunkha Davidna ngasāmkakhuiwui eina ngakarthuida awunga dolantungli yaothuikakā tharan, sha̱nao akha ra̱vaikasā thei; kala sha̱nao chi azak mathāshuna.

LAA 55:17

Ngazin eina ngathor kala ngashun mateila ina maringkaphā hāngphatta ngahuipama, kala ana iwui khon shāmira.

JEREMIAH 19:13

Jerusalemwui shimbing kala Judah awungabingwui shim, shimtung saikorali, kazingramli khalei saikorali nganamkaphā ot rikkatā kala varebing khangateili ra̱khalekkasā shim saikora chi Topheth thāda sākhamānghaora,” da hānga.

JEREMIAH 32:29

Ngararda khalei Chaldeanaobingna keinung hili rāda ili malungvāt khavai, Baalwui vang athumwui shimtungli nganamkaphā otyur rikkatā, vare khangateili ra̱shakchigat heishokta kapha̱ shim saikora mei sa̱da chui ngasakhaora.

DANIEL 6:10

Kakaso shoi sāhaira kaji theilaga Danielna awui shim mathāng atoli kāda, Jerusalemshong khalei charfa ngalemli khuktida Vareli ningkashi eina thangkhali kathumshida khangachā makailakla seihā sāchinga.

ZEPHANIAH 1:5

shimtungli kānganinglaga zimik kachāng sirāli khokharumbing; Prohowui mingli mingzailala Milcomwui ming eina shākhi kasābing;

MATTHEW 20:5

Pung tharāda khani katā atamlila, kathum katā atamlila chithada vāluishita.

MATTHEW 24:17

shimtungli leikasaa china tunglaga shimlungli khalei thongthāng mazangkhuiluiaranu,

MATTHEW 27:45

Ara pung katharukawui eina thuida pung kachiko eina tangda ngalei katonga tangmangtinghaowa.

MATTHEW 6:6

Kha nana seihā kasā tharan nawui kāli zangda khamong shunghailaga mik eina makathei nathumwui Avāli seihā sālu, kala ngathum kahai saikora katheia nathumwui Avā china nali sāman mira.

MARK 1:35

Akhama kathā ngathorthakva̱, kazing mahorranglakha ana ngakarthuida ngachakyāng kahai apam akhali seihā asāpama.

MARK 6:46

Athumli ngapak kahaiwui thili ana phungreili seihā sākhavai vai.

OTSAK 10:3

Chithangwui pung kachiko sha̱kha katā atamli, Varewui kazingrao akhana awuili kharā chi tarārik eina mahāmida thei kala “Cornelius” da hoi.

OTSAK 6:4

Laga ithumva seihā kasā kala pao hākashok māngli ningyāng chigatra.”

EPHESIANAO 6:18

Manglāna thānkhami chiwui alungli Varewui khangachon samphang khavai otsak saikorali seihā kasā eina ngasoda polu. Varewui mibingwui vang seihā sāmichinglu.

1 TIMOTHY 2:8

Chiwui vang eina mayarnaobingna kakhararla, malungkhavātla maleila apam kachiva̱li pāng khangkāda seihā sāmi ngasakngai.

1 SAMUEL 9:25

Athumna kaphung kajuiwui eina keinungli katā tharan, shimtungli Saulwui vang pet sāmihaisāda ana chili pikhui.