OTSAK 10:41 - Kathara Bible (BSI)

⁴¹ chi mi saikorali theikhangsak maningmana, kha ana kathiwui eina ringshok kahaiwui thili ali ngasoda phāshak-phazā khangaruma, Varena kapangkhui kahaia shākhi kasābing ithumli theikhangasakna.

OTSAK 10:41 Iomraidhean Croise

LUKE 24:30

Phazāuki kaji eina ana khamui khuida seihā sālaga serkhaida ngayarmi,

LUKE 24:48

Nathumna ot saikora hiwui shākhina.

JOHN 14:17

Chi apuk-apagva̱na masamphangkhararra khamashungwui Manglāna. Kachiwui vangkhala kaja apuk-apagva̱̱na ali mik einala matheimana, ning einala theikakhuila maleimana. Nathumna ali thei, kaja ana nathumli ngasopamda lei kala nathumwui lungli leira.

JOHN 14:19

Hunkhawui thili apuk-apagva̱̱na ili matheiluimara, kha nathumna theira; kala ina kharingwui vang nathumla ringra.

JOHN 14:22

Judas (Iscariot makhaninga)na ali hānga, “Proho, na khalatta apuk-apagva̱li maphongmila ithumli phongmira kaji hi kathada sāpairakhala?”

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

JOHN 15:27

kala nathumla shākhina, kachiwui vangkhala kaja haokaphokwui eina nathum ili ngasora kahaina.

JOHN 21:13

Chieina Jishuna khamui chi akhuilaga athumli yaowa; khaihla chithada yaopapama.

OTSAK 1:22

Johnna ra̱hikkhamiwui ot sākaphok eina thuilaga Proholi khuikakā eina tangda chiwui alungli kazangabingwui ngachaili akhana ithumli ngasoda ringkhaluiwui pongli shākhi sāphalungra.”

OTSAK 1:4

Ana athumli ngasopamda leilakha, Jerusalemwui eina mathuihaila Avāva̱na ngashitmi kahai chi honpamsā khavai hithada hānga, “Nathumna iwui eina shāhaira,

OTSAK 10:39

Ana Israelwui ngaleili kala Jerusalemli sākahai ot saikorawui shākhi chi ithumna. Athumna ali krushtungli shaoshānda sāthathaowa.

OTSAK 13:31

kala Galileewui eina Jerusalemli ngasokakābing kachungkhali zimiksho kasāngkhawui vang awui azak chithei. Ara athumna mibingli awui shākhi mi.