OTSAK 10:4 - Kathara Bible (BSI)

⁴ Ana kazingrao chili ngacheerarang yanglaga, “Khikhala Amei” da hānga. Kazingrao china ngahānkai, “Nawui seihā kasā kala khangachon khamiwui otsak saikora chi Varewui mangāli phaningungkapai sāda kāshunghaira.

OTSAK 10:4 Iomraidhean Croise

2 THOTRINCHĀN 32:24

Chitharan Hezekiah kazāda thiki jihaowa, kala ana Proholi seihā kasā eina ngahānkāmida khamachut akha chitheimi.

2 THOTRINCHĀN 6:33

nawui pam kazingramli kashākāmilu, kala yur kateina khangakao chiwui athishurda sāmilu; chithāda okathuiwui miyur saikorana, nawui mi Israelnaobingwui thāda naming theida ngacheera, kala ina sakakā shim hi nawuina kaji athumna theira.”

LAA 141:2

Iwui seihā kasā nganamkaphā ot thāda namangāli shānkhuimilu, kala ngazinshongwui pha̱kaphayā thāda ipāng khāngkakā!

LAA 20:3

Nawui kachigat saikora ana phaningungmiranu, kala nawui rikkatā pha̱kaphayā chi theimiranu.

ISAIAH 43:26

“Ili phaningung ngasaklu, Ithum ngayatngaroksa; nathumwui tuingaphun khuirālu, chieina mashungada theikhuipai.

ISAIAH 45:19

Tangkhamangramli, ina ngathumda mamatuimana; ‘Maphākakhuilungli ili phālu’ da Jacobwui ara̱-azāli mahāngmana. Proho iya khamashung tui matui, khamashung chi ina lānmiya.”

DANIEL 10:11

Kala ana ili hānga, “O Daniel, leishikhai kahaia mi! Ina nali kahāng tui hi khuisanglu, ngatarda thuinganinglu, kaja ili nawuili chihokharāna.” Ana tui chi hāngmamānlakha ina kathirriri thuinganinga.

PĀNGMONSHI 2:2

kala Aaronwui naomayara pāngmonbingli khuirāmira. Kala ana khamanaka mathir homkha kala thao eina frankincense saikora khuilaga chi pāngmonna riktāra, kala phaningung khavai sāda meili rikkatā hanphutungli pha̱ra; hi Proholi ningyangkhaungwui nganamkaphā otna.

MALACHI 3:16

Chiwui thili Proholi khangacheebing akha eina akha hāngngaroka; Prohona athumwui tui khuisangmi kala shāmi, Proholi khangacheea kala awui mingli kaphaningabingli phaning ungkhavai awui mangāli lairik akha kapi.

MATTHEW 26:13

Kachangkhat ina nathumli kahāngna, okathui apam hupvali paokaphā hi hāshok kachida, ana khi samikhala kaji hi ali phaningkhaung sāda hāngchitheira.”

LUKE 1:29

Kha tui chi shālaga a ning kazāhaowa kala hāngda khalei tui chi khi ngasānikhala da ningli machuka.

LUKE 24:5

Athumna ngacheenāhaida ngaleili mashunkazang eina anina hānga, “Khisāda kathewui ngachaili kharingali phākhala?

OTSAK 10:31

hānga, ‘Cornelius, Varena nawui seihā kasā shāhaira kala nana khangachon khamiwui ot sākahai chi ana phaningungmira.

OTSAK 14:9

Ana Paulwui tamkachithei chi ningsanglak eina nganai, kala awuila raimi ngasakra kajiwui shitkasang lei kaji kathei eina

OTSAK 22:10

Chieina ina ngahāna, ‘Proho, ina khi sarakhala?’ Chieina Prohona ili hānga, ‘Ngakarthuida Damascusli vālu, chili Varena nali sāngasakhangai chi hāngmisera.’

OTSAK 3:4

Peter eina Johnna yangtitta hānga, “Inili yanglu.”

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.

PHILIPPINAO 4:6

Khiotkhawui vang malungmaringalu, kha ningkashi eina ngasoda nathumna khavavāt chiwui vang Vareli seihā sāda polu.

HEBREWNAO 13:16

Akha eina akha kaphā sāda ngachon khangarok mamalaialu, hikathā hi Vareli ningyāng ungkhangasaka pha̱kaphayāna.

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

PHONGKHAMI 8:4

Kazingrao chiwui pāng eina anganam chiwui akhut chi katharabingwui seihā kasā eina ngasoda Varewui mangāli kashunghaowa.

1 SAMUEL 3:10

Kala Prohona ranganingda kharewui tākam eina, “Samuel! Samuel!” da hoi. “Kahāngmilu, kaja narao ina nganādalei.” da Samuelna ngahānkai.