OTSAK 10:22 - Kathara Bible (BSI)

²² Athumna hānga, “Shipai shākhawui akhavā Corneliusna chihokharāna. Ava Vareli khokharuma kala Jihudi yur katongana kasoa kaphā mi akhana. Nali awui shimli hounglaga nana hāngmikhangai chi nganākhui khavai Varewui kazingraona nali ahokhuilu da ali hānga.”

OTSAK 10:22 Iomraidhean Croise

HOSEA 14:9

Kachikathāna thangmeiakha, hi theishingkhuiranu; theithangkhama china hi theiranu; chiya Prohowui shongfa khamashungana; chili mashunwui mina zatra, kha chonkhamakānbing chi phei ngaphoka.

HABAKKUK 2:4

Yanglu, mangla mashun eina makazata mi chi shimānra, kha khangaronga mina awui shitkasang eina ringra.

MATTHEW 1:19

Agahara Joseph mashun mi ngasāhaoda Maryli makhayak ngasakngaithuda ngathumsāda ali pānghaorada khangarān sai.

MATTHEW 2:12

Mangshong Herodli malatungluialu da rākasohaoda athumna shongfa khangateishong eina aramli hanunghaowa.

MARK 6:20

kaja Herodna John hi khamashunga kala kathara mina da katheiwui vang ali ngacheelaka, chiwui vang eina ana ngākmi. Awui tui shākachida ning pa̱ngapālaklala ana awui tui nganāngailaka.

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

LUKE 2:25

Chitharan Simeon kaho mayarnao akha Jerusalemli leisai, a khamashung-khangarong, shitkasang khangazipa Israelli makarkhami honkapama kala Manglā Katharana ngasokhame mina.

LUKE 23:50

Chitharan Judeawui keinung Arimatheawui eina kharā Joseph kaho mayarnao akha leisai. A hi hangva̱ akhavāna kala kaphā khamashunga mina.

LUKE 9:26

Kachikathā mina iwui vang kala iwui tuiwui vang khayakakha miwui Naomayarana awui tekhamatei kala Avā eina kazingraobingwui tekhamatei eina rāthanghon awui vangla khayakhaora.

JOHN 13:20

Kachangkhat ina nathumli kahāngna, kala ili khamayā chi ili kashirāta chili khamayāna.”

JOHN 17:20

“Ina hibingwui vāngmāng seihā kasā maningmana, kha athumwui tui shāda ili shitkasanga athumwui vangla seihā kasāna,

JOHN 17:8

khikhalajila nana ili khami paokaphā chi ina athumli mida athumna samphanghaira. Chieina I nawui eina rai kaji hi mashunga da athumna theihaira, kala nana ili kashirātna kaji athumna shitsanghaira.

JOHN 5:24

“Kachangkhat eina nathumli kahāngna, iwui tui shāda ili kashirātali shitkasanga a chi katang makhavai kharing lei. Ali bichar masāmara, kha kathiwui eina kharingli kanshok kahaina.

JOHN 6:63

Manglā china kharing chi khamina, asā hiya aremana; ina nathumli hāngkahai tui chi manglā kala kharingana.

JOHN 6:68

Simon Peterna ngahānkai, “Proho, ithum khipāwuili varakhala? Namāngli makashimān kharing tui chi lei.

OTSAK 10:2

awui shimkhurwui mi saikora zangda Vareli khangacheea, mibingli sailamlak eina mikashoka, kala seiha sāching kaje mi akha leisai.

OTSAK 10:21

Chieina Peterna zanghānga, “Nathumna phāda khalei mi chi ina, khiwui vang kharākhala?”

OTSAK 10:30

Chieina Corneliusna hānga, “Matithang shānghaira, arui atam himaikha ina iwui shimli pung kachikowui seiha salakha; yanglu, kahāna kachon khangavai mi akha kashuirak iwui mangāli ranganingda

OTSAK 10:33

Chiwui vang eina ina nawui pamli mi hengsāda chihovai, kala nana lumashanmida rāmi kahai hi phālakhaira; Prohona nali hāngmi ngasak khavai kaso kahai chi nganākhui khavai ithum saikora hili kakazipna.”

OTSAK 10:6

ā shamadrupheili kapama, sāhui khamathena Simonwui shimli shimzun sāda lei.”

OTSAK 11:14

ana nashili chānpao khuirāmida chiwui mangā eina nala kala nashi shimkhurla kahui samphangra’ da rāhāngkhala kaji ithumli hāngchithei.

OTSAK 22:12

“Keinung chili ain chetlak eina khamayona kala Jihudibingna chuilak eina kakhuiya shitkasanga Ananias kaho mi akha leisai.

OTSAK 24:15

Mibing hina kachihān khalei tākam eina ila Vareli kachihān lei; chiya mi saikora kaphāla makaphāla ringluishitra.

OTSAK 6:3

Chiwui vang eina ivānaobing, Manglā Katharana kapem kala theithangkhamei mi shini nathumwui eina kapangkhuilu, athumli ot hiwui yangkhame sāngasakra.

ROMNAO 1:17

Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

2 CORINTHNAO 5:18

Saikora hi Khristawui mangā eina ali ngashim khangasaka kala khangashimwui ot sākhavai ithumli otsin kachisina Varewui eina kharāsera;

KHALATLUI 30:13

Yireilungli khaleila maningmana, chithāda sāda, ‘Khipāna shamadrulungli ithumwui vang zangkhuimida ithumna shāda mayonrakhala?’ da nathum mahāngalu.

1 TIMOTHY 3:7

Chili lāngda khangateibingnala khayākashia mi akha ngasāphalungra, chi maningakha morei phungda chipeewui khalenli tāzanghaipai.

HEBREWNAO 10:38

Iwui khangaronga china shitkasang eina ringra, kha ana ngalanakha, awuitungli iwui kapen maleimana.”

HEBREWNAO 11:2

Achālakhawui mibingna shitkasang mangā eina Varewui khamayā samphanga.

HEBREWNAO 12:23

kazingramli aming kapi kahaia naochizaibingwui kazip kala saikorawui bicharwo Vare, kāshung kahaia khamashungbingwui manglā,

2 PETER 3:2

achālakha kathara marānbingna hāngmarānmi kahai kala Huikhame Prohowui ningkhami chi nathumwui paokazatbingwui mangā eina phaningungchingphalungra.

3 JOHN 1:12

Mi kachiva̱na Demetriusli sosera, mashun khalattanala chiwui shākhina. Ithumla chiwui shākhina kala ithumwui shākhi mashunga da nathumna thei.

PHONGKHAMI 14:10

Varewui malungkhavātwui drakhāra̱ mangra, khikha mamanātlakla malungkhavātwui tengkotli mangra. Athumli kathara kazingraobing eina Yaonao chiwui mangāli mei kala meiri eina rekharekra.