OTSAK 1:6 - Kathara Bible (BSI)

⁶ Athum rākakazip tharan, athumna ali ngahāna, “Proho, atam hitharan nana Israelli wungram chi samphang ngasakmiluishitrala?”

OTSAK 1:6 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

ISAIAH 1:26

Kharewui thāda nathumwui bicharwobing hanmiluira, hāngkachitheibingla haokaphokwui thāda mira. Naoda nathumli khamashung khangarongwui keinung hora, ningtongda shitkasang keinung jira.”

JEREMIAH 33:26

Jacobwui kala iwui rao Davidwui arā-aza̱bingli kapangkhuida, Abraham, Isaac, kala Jacobwui atheili mungkhavai makapangkhuimara. Kaja ina athumwui shimlui hanmiluira, kala athumwuitungli lumashanmira.”

DANIEL 7:27

Kala wungramla kala pangshapla kala kazingram hupvawui azingli khalei khareia wungram, Chuikhamataiawui katharabingli mihaora; athumwui wungram katang mavaimara, kala pangshap saikorana athumwui otram ngatha̱ra kala kahāng nganāra.”

HOSEA 3:4

Kaja Israelnaobingna awunga, lah wungnao mavaila, pha̱kaphayāla, tarung, ephod kala teraphimla maleila atam kasāngkha sompamra.

AMOS 9:11

Atam chili Davidwui shim konglui kahai chi ina khāngmathotluira phākho kakai chi chipholuira, kala ngayāng kahai chi sākhuiluira, kala achālakhawui thāda sākāluira,

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

ZECHARIAH 9:9

Ringphālu, O Zionwui naongalāva̱! Pangda vaolu, O Jerusalemwui naongalāva̱! Yanglu, nawui awunga gadhā alānao akhali tongda nawuili rārāli; maikhayā kala khayuiya chi alaka,

MATTHEW 17:11

Jishuna ngahānkai, “Elijahna rālaga ot saikora ngarānpinghaisāra.

MATTHEW 20:21

Chieina ana sha̱naopāva̱ chili hānga, “Nana khi ningchangkhala?” Sha̱nao china ali ngahānkai, “Nawui wungramli iwui naomayara khani hi akhana nawui yāshong kala akhana nawui uishong pamkhavai kasamilu.”

MATTHEW 24:3

Jishuna Olive kaphungli pamlakha, sākhangatha̱bingna ngathumda ali rāngahāna, “Hi katharān shokrakhala, ithumli hāngmilu kala nana rāki kaji eina okathui ngachangki kajiwui machut khirakhala?”

MARK 9:12

Jishuna, “Elijahna ot saikora hankhuiluishit khavai rida rai; kala miwui Naomayarawui pongli kakhanang kala mana̱kashi kachungkha samphangrada Kathara Lairikli kathada kapihailikhala?

LUKE 17:20

Pharisee kaikhana Jishuli Vare wungram katharān rārakhala da khangahān eina athumli ana ngahānkai, “Vare wungram chi mik eina yangkhuikapai machut eina rāki kaji maningmana.

LUKE 19:11

Mibingna tui chi nganāmahungda leilakha Jishuna athumli chānjam akhala hāngchithei. Chitharan a Jerusalem vāshungnanaihairasai kala mibingna Vare wungram chi thākta rāra da phaningsai.

LUKE 22:29

iwui Avāna ili mungkhavai mashun khami chithada ina nathumlila chi khamina.

JOHN 21:21

Peterna ali kathei eina Jishuli hānga, “Proho, mipa hi kathārakhala?”