OTSAK 1:5 - Kathara Bible (BSI)

⁵ kaja Johnna tara̱ eina ra̱hikmi kha ara masāngla nathumli Manglā Kathara eina ra̱hikmira.”

OTSAK 1:5 Iomraidhean Croise

JOEL 3:18

“Kala chithang chi phungreibingna kashima drakhāra̱ ngayara, phungreibing china seina̱ longra; kala Judahwui kongrānao saikora tara̱ longra; Prohowui shimwui eina ura̱ okra kala Shittimwui tampākli tara̱ chaimira.

MATTHEW 3:11

Ning khangateiwui vang ina nathumli tara̱ eina ra̱hikmi, kha iwui thili rārāda khalei A chiya ili reimei, I awui pheihop phungkida matik machāmana. Ana nathumli Manglā Kathara kala mei eina ra̱hikmira.”

MATTHEW 3:6

Athumna athumwui morei hāngphatta ana athumli Jordan kongli ra̱hikmi.

MARK 1:8

Ina nathumli tara̱ eina ra̱hikmi, ana nathumli Manglā Kathara eina ra̱hikmira.”

LUKE 3:16

Johnna athum saikorali hānga, “Ina nathumli tara̱ eina ra̱hikmi kha ili reikhamei a chi rārāli, I awui pheihop khara̱ eina tangda khalāmikida matik machāmana. Ana nathumli Manglā Kathara kala Mei eina ra̱hikmira.

JOHN 1:26

Johnna ngahānkai, “Ina tara̱ eina ra̱hikmi, kha nathumwui ngachaili akha nganingda khalei chi nathumna matheimana.

JOHN 1:31

Ila ali matheisāmana, kha Israelnaobingli a khipākhala da chithei khavai ina tara̱ eina ra̱hikkhamina.”

JOHN 1:33

I ali matheisāmana, kha tara̱ eina ra̱hikmi khavai ili kashirāta china ili hānga, ‘Manglāna tāda tākhangasāma, nana katheipa chi Manglā Kathara eina ra̱hikkhame china.

OTSAK 10:45

Peterli ngasokharā ahui rimkashokbingwui eina shitkasang Jihudibing chi matakhakhaowa, kaja Varena Gentilebinglila Manglā Katharawui lemmet tāshungmi.

OTSAK 19:4

Paulna hānga, “Johnva mibingli awui thili rāki kaje Jishuli shitsang khavai hānglaga ning khangateiwui ra̱hikkhamimaya.”

1 CORINTHNAO 12:13

Manglā akhamāngna ithum saikorali phasā akha sāda ra̱hikmi—kaja Jihudiranu, Gentileranu, raoranu, ningkhān kahaibingranu— ithum saikorali Manglā akhali mangrum ngasaka.

TITUS 3:5

ithumli ana huimi. Ithumna khamashung khangarong ot kasāwui vang maningmana; kha awui lukhamashan mangā eina pheomihaida Manglā Katharana pharā khangasak mirin kadhar chi ithumli thada mi.