OTSAK 1:24 - Kathara Bible (BSI)

²⁴ Chiwui thili athumna seihā sai, “Proho, mi kachiva̱wui kaphaning nana thei, chieina khalattana vākhangayiya apamli vākhavai

OTSAK 1:24 Iomraidhean Croise

1 WUNGNAOBING 8:39

nawui pamkhavai kazingramli shākāmida, kapheomilu; kala nana mi kachiva̱li kachichāwui kaphaning athishurda sāmilu; (kaja mi kachiva̱wui ning namāngna theisera);

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

LAA 44:21

Varena chi maphāshokmarala? Kaja khangathum ningla ana thei.

LAA 7:9

Iyavo, makaphābingwui zakkashi chi tanghaoranu, kha khamashungbingli nana sākāmilu. ning kala wuklung tamkhayanga, na khamashunga Varena.

CHĀNSAM 15:11

Kathewui ram eina Abaddon Prohowui mangāli ngahāhang eina lei, mibingwui wuklung kayākha mataida leirakhala!

JEREMIAH 11:20

Kha “O saikorawui Proho, miwui ning eina wuklung tamkhayang kala mashun eina bichar sakhame, athumwuitungli nawui angathut hāngkasang ili kathei ngasakmilu, kaja ina iwui ngalang nali mikahaina.”

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

JEREMIAH 20:12

O saikorawui Proho, khamashungli tamkhayanga, wuklung kala ningla katheiya, athumwuitungli nawui athut kakhui ili theingasakmilu, kaja nali iwui ngalang chi ina horsangchao kahaina.

MISHĀN 27:16

“Phasā khavai manglā saikorawui Vare Prohona yarui ashangva̱wuitungli mi akha kapangmiranu

LUKE 16:15

Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

OTSAK 14:23

Church kachiva̱li anina ararbing kapangsangmi kala kakhum eina seihā sālaga kapang kahai athum chi athumna shitkasanga Prohowui pāngli horsangmi.

OTSAK 15:8

Kala mi kachiva̱wui wuklung katheia Varena ithumli khami thada athumlila Manglā Kathara khami hina Varewui khamayā chitheimihaira.

OTSAK 6:6

Kapangkhui kahaibing chili yaruina paokazatbingwui mangāli khuikai, kala athumwuitungli pāng khāngkāda seihā sāmi.

ROMNAO 8:27

kala mibingwui wuklung katheia Varena manglā chiwui kaphaning khikhala kaji thei, Manglā china Varewui ningkachāng athishurda katharabingwui vang pomida lei.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

1 SAMUEL 14:41

Chiwui vang eina Saulna hānga, “O Proho Israelwui Vare, aja naraoli khisāda mangahānkāmithukhala? O Proho, Israelwui Vare, kalikhada khayon hi ini vānaoniwuina jiakha, inili Urim milu; kha khayon hi Israel mibingwuina jiakha, athumli Thummim milu.” Chieina Saul eina Jonathanli tāhaoda mibing kanshokhaowa.

1 SAMUEL 16:7

Kha Prohona Samuelli hānga, “Azakli mayangalu, lah asho-areplila mayangalu; khikhalajila ali ina mamayāmana. Kaja miwui thāda Prohona azakli mayangmana; kha Prohova wuklungli khayangna.”