OTSAK 1:16 - Kathara Bible (BSI)

¹⁶ “Ivānaobing, Jishuli tukkakhuibingli kathāna Judaswui apongli Manglā Katharawui pangshap eina achālakha Davidna hāngkahai kathara tui chi ungshungphalungra.

OTSAK 1:16 Iomraidhean Croise

2 SAMUEL 23:2

Prohowui manglāna ili matui ngasakta, awui tui imaleli sangkhamina.

2 WUNGNAOBING 15:12

(Hi Prohona Jehuli, “Nanao mayarabingna thot khamate eina tangda Israelwui wungpamkhongli pamra.” Kala chithāda rāshoka.)

LAA 41:9

Ina shitkasanga iwui khamashita ngasotnao, iwui zāt kazā ā eina tangda, ili mamayāla aphei khānghaira.

MATTHEW 26:14

Chiwui thili tharāda khaniwui ngachaili Judas Iscariot kaho china pāngmon akhokabingwuili vada

MATTHEW 26:47

Jishuna matuimahungda leilakha tharāda khaniwuili zangkasā Judasli ngasoda mi kachungkha thinghun kala raighai singlaga athumwui pāngmon akhokabing eina hangva̱naobingwui eina rai.

MATTHEW 26:54

Kha chithāhaosi kaja kathada Kathara Lairikli kapi kahai hithada shokphalungra kaji chi ungshungpairakhala?”

MATTHEW 26:56

Kha kashok saikora hi marānbingwui Kathara Lairik chi ungshung khavaiwui vangna.” Chiwui thili sākhangatha̱bingna ali chihohaida yāmserhaowa.

MARK 12:36

Manglā Katharana kasatmida David khalattana hithada hānga; ‘Prohona iwui Proholi hānga, nawui yangkashebingli nawui pheinai masā ngasakranglakha eina tangda, iwui yāshong pamlu.’

MARK 14:43

Ana matui mahungda leilakha hengsāda tharāda khaniwuili zangkasa Judas kaho china pāngmon akhokabing, ain kathemabing kala ararbingna kachiho mi kachungkhali ngasoda raighai, thinghun singlaga rai.

LUKE 22:47

Jishuna matui mahungda leilakha tharāda khaniwui ngachaili Judas kaho china mi kachungkhali thanrārāsai. Ana Jishuli maya̱kida awui shong rai.

JOHN 10:35

Kathara lairikli kapi kahai hi mashimānda mashunga kaji ithumna thei, kala Varena chikathābingli kameonao hoi, chikathābingli ana awui chānpao miya.

JOHN 13:18

“Ina nathum saikorawui pongli kahāng maningmana, ina kapangkhui kahaibing chili ina thei; kathara tuili hāngkahai, ‘Ili phazākhangaruma a china ili mamayāmana’ kaji hi ungshung khavaina.

JOHN 17:12

Nana ili mikahai athumli ina ngasoda leilakha namingwui pangshap eina ina athumli mayonmi, ina athumli mayonmida leilakha, kathara tui chi ungshung khavai shimānphalungki kajepa maningla khipākha mashimānmana.

JOHN 19:36

Kathara lairikli “Awui ara̱kui akhala matek ngasakmara” da hāngkahai chi ungshung ngasaka.

OTSAK 1:20

“Kaja Laa lairikli hithada kapihaida leili, ‘Awui shim machohaoranu, khipānakha chili maokthuiranu.’ kala ‘Mi khangatei akhana awui otpam chi khuiranu.’

OTSAK 13:15

Moseswui ain lairik kala marānbingwui lairik pākup kahaiwui thili synagoguewui akhavābingna anili pao chihovai, “Ivānao khani, nanina mibing hili kasatsangkhangai leiakha kasatsangmilu.”

OTSAK 13:38

Chiwui vang eina ivānaobing, nathumli hi theikhui ngasakkhangaina kaja mi hipāwui mangā eina morei pheokhamiwui tui nathumli hākashokna.

OTSAK 15:13

Anina hāngkup kahaiwui thili Jamesna hānga, “Ivānaobing khanganāmilu!

OTSAK 15:7

Sha̱rākha ngayāt ngarok kahaiwui thili Peterna nganingkāda hānga, “Ivānaobing, atam kasāngkha thuihaira, nathumwui ngachaiwui eina Gentilebingli paokaphā hāshok khavai ili Varena kapangkhui, kaja ikhamorwui eina athumna Varetui shālaga shitsanga kaji nathumna thei.

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

OTSAK 2:37

Tui chi kashā tharan, athumwui ning sāza̱haoda Peter kala paokazatbing chili hānga, “Ivānaobing, ithumli khi saulu jikhala?”

OTSAK 22:1

“Ivānao ngarā kala ishāvā ngarā, ina nathumwui mangāli I khalattawui vang kaphayat hi khanganāmilu.”

OTSAK 23:1

Chieina Paulna hangva̱naobing chili yangtitlaga hānga, “Varewui mangāli aja rāshungda ina kaphā mashun-makhui eina okthuirāhaira.”

OTSAK 23:6

Mibing chi ngakhumpakna Pharisee kala ngakhumkhana Sadduceena kaji Paulna kathei eina hanga̱shimli ana vaosanga, “Ichināngarā, I Pharisee akhana, Phariseebingwui naomayara akhana; kathebingna ringluishitra da ina kachihānwui vang ili chan ngazek khavai hili nganingli.”

OTSAK 28:17

Zimiksho kathumthangwui thili ana apam chiwui Jihudi kathānabingli hokhuisera. Athum saikora rākazip khangarum tharan ana hānga, “Ivānao ngarā, ina iyurwui mibingli lah ithumwui avā ngarāna mitā khamaron khangachā zatkhanā chili khikha kakai masāhaisālaklala, Jerusalemli ili phātop sanghailaga Romewui pāngli horsangmi.

OTSAK 28:25

Chieina athum mamayā ngarokthuda Paulna tui hi hāngkahaiwui thili athum ngathānhaowa; “Manglā Katharana marān Isaiahwui mangā eina navā ngarāli hithada hānghaikasā chi mashunga!

OTSAK 7:2

Chieina Stephenna ngahānkhai, “Ivānao ngarā kala ishāvā ngarā, iwui tui nganāmilu. Ithumwui awokharar Abrahamna Haranli mavāpānranglakha Mesopotamiali tekhamateiwui Varena rāsamphanga,

1 PETER 1:11

Athumna atam chi katharān kala kathada rānikhala da theikhavai ngarāna. Kala Khristana kachotkachāng kachungkha samphangra, kala khāngmida chiwui thili tekhamatei rāra da Khristawui Manglāna marānbingwui wuklungli atam chi chiza̱mi.

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.

2 PETER 2:21

Athumna kathara ningkhami chi thatheihailaga chiwui eina yāmluishitki kajiwui vanga khamashung khangaronga apong chi matheisālak kajina phamei.