OTSAK 1:13 - Kathara Bible (BSI)

¹³ Athumna keinung chili kazang eina Peter, John, James, Andrew, Philip, Thomas, Bartholomew, Matthew, Alphaeuswui naomayara James kala Zealot kaho Simon kala Jameswui naomayara Judaslong pamkasa mathāng atowui kā chili kai.

OTSAK 1:13 Iomraidhean Croise

MATTHEW 9:9

Jishuna apam chiwui eina zathaowa kala shongfali zatmamānda leilakha khāshinā khaloka, Matthew kahopā chi khāshinā khuikhavaipamli pamkasā chi thei. Jishuna ali, “Ithi shurlu” da hānga. Chieina Matthewna ngakarthuida athi shurthuwa.

MARK 14:15

Chieina ana mathāng atoli kā kahaka ngarankhariklaga haikasā chitheira. Chili nanina angarānlu.”

MARK 14:33

Ana Peter, James, John athumli thankhui, kala kakhanang sikafana pemtinghaowa.

MARK 2:14

Ana zatvāmamān kaji eina Alphaeuswui naomayara Levi khāshinā khalokpamli pamkasa theida ali hānga, “Ithi shurlu.” Chieina ana ngakarthuida athi shurthuwa.

MARK 5:37

Chiwui thili ana Peter, James kala agato John maningla mi khipālikha mashurra ngasakmana.

MARK 9:2

Tharukthangwui thili Jishuna Peter, James kala John athumngli hophungda phungrei kajuiva̱ akhali thankai, kala athumwui miktāchangli azak onhaowa,

LUKE 22:12

Ana nanili mathāng khamatoli sāmathakharik kahai kahaka kā chi chitheira, chili ngarānlu.”

JOHN 11:16

Thomas, Ngashira kaho china awui ngasotnao sākhangatha̱bingli hānga, “Ali ngasoda thirum khavai ithumla ngasovausa.”

JOHN 14:22

Judas (Iscariot makhaninga)na ali hānga, “Proho, na khalatta apuk-apagva̱li maphongmila ithumli phongmira kaji hi kathada sāpairakhala?”

JOHN 18:17

Khamong khāmayonva̱ china Peterli hānga, “Nala mipā chiwui sākhangatha̱ akha maningmala?” Peterna “Maningmana” da ngahānkai.

JOHN 21:2

Chili Simon Peter, Ngashirra kaho Thomas, Galileewui Cana eina kharā Nathana-el, Zebedeewui naomayara khani kala Jishuwui sākhangatha̱ khangatei khani da kazipsai.

OTSAK 12:17

Peterna athumli akhon mashok khavai apāng eina ingkit sai kala kathada Prohona ali phātopwui eina khuishokmikhala kaji hāngchithei. “Hi James eina ivānaobingli hānglu” da hānglaga apam khangteili thuihaowa.

OTSAK 15:13

Anina hāngkup kahaiwui thili Jamesna hānga, “Ivānaobing khanganāmilu!

OTSAK 2:14

Kha Peterna tharāda akha chili ngasoda nganingkālaga akhon panglāk eina vaoda hānga: “He Judea mibing kala Jerusalemli kapama saikora, nathumna hi theimilu kala iwui tui hi ningsangda khanganāmilu,

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 20:8

Ithumna kakazip kā ato chili thaomei tarākha shārthai.

OTSAK 4:13

Hangva̱naobingna Peter eina Johnwui kaping chi theilaga kala ani lairik makatama mina kaji phaningvālaga matakhakhaowa. Chieina ani Jishuli ngasosai kaji athumna theikhui.

OTSAK 4:19

Kha Peter eina Johnna athumli ngahānkai, “Varewui miktāli awui tui khanganāli nathumwui tui khanganāna mashungmeila, nathum khalatta machukyanglu.

1 CORINTHNAO 15:7

Chiwui thili Jamesli samphanga, chiwui thili paokazat saikorali samphanga.

GALATIANAO 1:19

Chili Prohowui achinā James maningla paokazata khangatei akhala matheimana.

GALATIANAO 2:9

Varena ili khamataia otsin mihaira kaji theilaga kathāna kasaa James, Peter kala John athumna Barnabas inili ithum saikora otsakrumabingna kaji kachithei sāda pāng rāngasinkhui. Barnabas inina Gentilebingli kala athumna Jihudibingli otram ngatha̱mi khavai mayāngaroka.

JAMES 1:1

Vare kala Proho Jishu Khristawui otram khangatha̱a Jamesna okathui peida chaiyāng eina khalei shang tharāda khanili shālam chiphunli.

2 JOHN 1:1

Ararra imāng maningla khamashung theikahaia saikorana leishikachangkhat kaje kapangkhui kahaia achon kala awui nao ngangarāli kagapina;

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.