OTSAK 1:10 - Kathara Bible (BSI)

¹⁰ Ana kakā chi athumna yangda leilakha, yanglu, kachon kachara khangavai mayarnao khanina athumwui ngalemli nganingda hānga;

OTSAK 1:10 Iomraidhean Croise

2 WUNGNAOBING 2:10

Ana hānga, “Kasaka ot nana pohaira; chithālala, ili khuikathui chi nana theiakha chi nawui vang ungshungra; kha nana matheiakha chi masamphangmara.”

DANIEL 7:9

Ina yangda leilakha, wungpamkhongbing haikhami thei, kala ringching kaje mi akhana awui pam rākhui; awui kashankachon horam thāda chara, awui kuisam sahah tharzā kahai thai; awui wungpam khamalinga meiwonna, chiwui kāngphei kachuiya meina.

MATTHEW 17:2

Kala athumwui miktāli Jishu azak onhaowa: amai zimik thada horra kala awui kashankachonla kahor thada charshihai.

MATTHEW 28:3

Awui zakmai chi rikhān khangashei thai kala awui kashankachon chi horām kachar thai.

MARK 16:5

Athumna chikhurli kazang eina yaronnao akha charshi kahai kachon ngavaida yāshong pamkasa chi theida athum matakhakhaowa.

LUKE 24:4

Ningreikhasut eina leilakha hānshi kahai kachon khangavai mi khani athumwui ngalemli nganingsai.

JOHN 20:12

kazingrao khani Jishuli chipethaikasā apam chili akhana kuishakli, akhana pheivāk, kachara sāri ngavaida pamkasā chi thei.

OTSAK 10:3

Chithangwui pung kachiko sha̱kha katā atamli, Varewui kazingrao akhana awuili kharā chi tarārik eina mahāmida thei kala “Cornelius” da hoi.

OTSAK 10:30

Chieina Corneliusna hānga, “Matithang shānghaira, arui atam himaikha ina iwui shimli pung kachikowui seiha salakha; yanglu, kahāna kachon khangavai mi akha kashuirak iwui mangāli ranganingda

PHONGKHAMI 3:4

Thālala Sardiswui alungli kashankachon mamakhaola kahai kha lei, athumna ili ngasoda charshi kahai kachon ngavailaga yaothuira kaja, athum chi khangayebingna.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.