NEHEMIAH 1:9 - Kathara Bible (BSI)

⁹ kha nathumna ili latungda iwui ningkhamibing chi mayonda ithi shurakha, tāmeikap kaji kazingramli kashamvā haisālala, chiwui eina iwui ming chili leikhavai ina kapangkakhuipam chili kazipkhuida khuiungluira.’

NEHEMIAH 1:9 Iomraidhean Croise

1 WUNGNAOBING 8:48

apam chili leilakha athumna ningyāng tongtingda hāngphatakha, kala nana athumwui avāva̱ ngarāli mikahai ramli nana kapangkhui kahai keinung ina namingwui vang sakā kahai shim hili ngareiungda nali seihā saakha;

1 WUNGNAOBING 9:3

Prohona ali hānga, “Nana seihā sāda iwui mangāli kapo chi ina shāhaira; kala nana sakā kahai shim chi ina tharchigatmihaira, hili iwui ming leichingra; ina ningkachang eina yangmichingra.

1 THOTRINCHĀN 16:35

Hithādala hānglu: “Ithumli ngatangmilu, O ithumwui huikhame Vare, ithumli kahuimilu yur khangateiwui eina kazipkhuida kahuimilu; kathara nawui mingli ningshichingra, tekhamatei chiwui vang masot chigatra!

EZRA 6:12

Kala Jerusalemli khalei Varewui shim chi shimān khavai kasā, maningakha kakaso hi ngachei khavai pāng thara̱kasang awungabing, maningakha mibingli apam chili awui ming somkhangasaka Varena shimān ngasakranu. Darius ina kakaso hi kasāna; hi makhunglak eina sāranu.”

LAA 106:47

Ithumli kahuimilu, O Proho ithumwui Vare, kala miyurbingwui eina nana kazipkhuimilu, chithāda nawui katharamingli ithumna ningkashi mira kala masot khamili tekmatei ngasakra.

LAA 107:3

kala apam saikorawui eina hokhui kahaibing, zingshoshongwui eina kala zingtunshong eina, atungshongwui eina kala azingshongwui eina.

LAA 147:2

Prohona Jerusalem sakai, Israelwui raithā kahaibingli kazipkhui.

ISAIAH 11:12

Miyurbingwui vang machut khavai ana akha shokngasakra; Israelwui ngakhei kahaibing chili kazipkhuira, Judahwui ngapha̱yāng kahaibing chili kazipkhuira, okathui achikun matiwui eina.

ISAIAH 27:12

Chithanghon, Euprates kong eina thuilaga Egyptwui kong tāshungda Prohona zaira kala nathumli ava̱va̱ eina kazipkhuira, O Israelwui mibing.

ISAIAH 56:8

Israelwui eina kasham kahaiabingli hokakhuia, Proho VAREna, hithāda hānga, phākhuikahaibing chili lāngmeida kateila phākhuifara.

JEREMIAH 12:15

Kala athumli phurshok kahaiwui thili, ina athumli lumashanmiluida athum kachichāwui ngaleila kala shimluila ina hanmiserra.

JEREMIAH 3:14

Latunglu, O shitkasang makhalei nao ngarābing, da Prohona hānga; kaja I nathumwui akhavāna; keinung akhawui eina akha, shimkhur akhawui eina khani khuida nathumli ina Zionli khuiungmira.

JEREMIAH 31:10

“O yurbing Prohowui tui nganālu, kala chi katātāva̱ ngayiphei vāshungda vaochitheilu; ‘Israelli chaiyāngmi kahaia china kazipkhuiluira; kala yaokahoma thāda ana awui yaobingli hommira’ da hānglu.

JEREMIAH 32:37

Yanglu, ina malungkhavāt, malungkakang kala ningkatheng eina kashamvā kahaipam kachiva̱wui eina ina athumli kazipkhuira; ina athumli apam hili khuiungluira, kala athumli chingri eina pānngasakra.

JEREMIAH 6:22

Prohona hithāda hānga: “Yanglu, atungshongwui ngaleiwui eina miyur akha rārāli, kahaka yur akha okathuiwui tameikap kaje pam eina ngatha̱phokhaira.

EZEKIEL 14:6

“Chiwui vang Israelwui shimkhurli hānglu, Prohona hithāda hānga: Ning ngateilu kala nathumwui meoma̱wui eina ngareithuihaolu kala ningkakachai saikorawui eina mai ngareithuilu.

EZEKIEL 36:24

Kaja ina miyurbingwui eina, kala okathui apam kachiva̱wui eina kazipkhuida nathumwui ngaleili khuiungmira.

PĀNGMONSHI 26:3

“Nathumna iwui shiyan athishurda zatta kala iwui ningkhamila mayonda ringakha,

ZECHARIAH 8:7

Saikorawui Prohona hithāda hānga; Yanglu, zingsho zingtun ram kachida khalei iwui miyurli ina huimira;

MATTHEW 24:31

kala kapanga talla̱khon eina ngasoda ana awui kazingraobingli chihoshokra kala athumna awui kapangkakhui mibingli achikun matiwui eina, kazingram akatang akhawui eina akatang akhali vāshungda khaleibingli kazipkhuira.

KHALATLUI 12:21

Kalikha Proho Varena awui ming haikhavai kapangkhui kahai apam chi nathumwui eina tānāhaiakha, Prohona nathumli mikahai seila, yaola, ina hāngkahai thāda sāthatpaira, taithatlaga ningkachāng eina tangda kachichāwui keinunglungli shaipaira.

KHALATLUI 12:5

Kha, aming leikhavai kala awui pamkhavai kali-kalikharano, shang katongawui eina apam chi phākhuida Proho nathumwui Varena kapangkakhui chi phākhuiki kajina,

KHALATLUI 30:1

“Kala sokhamila, khonkashila ina nathumli chithei kahai saikora hi nathumwuitungli rāshungda, Proho nathumwui Varena nathumli kashamkhavā yur kateiwui alungli nathumna phaningkhaung tharan,