NEHEMIAH 1:2 - Kathara Bible (BSI)

² ichina Hananina Judahwui mi kaikhali ngasoda rārāsai; kala ina raithā kahaiwui eina ngathishok kahai ringda khaleibingwui pongli, kala Jerusalemwui pongli athumli ngahāna.

NEHEMIAH 1:2 Iomraidhean Croise

HAOKAPHOK 14:10

Chitharān Siddimwui Tampāk hiya bitumen khewui chomna pemsai. Chieina Sodom eina Gomorrahwui awunga khani china khayām chitharān mi kaikha chili tāzanghaowa; kataibing chiya phungreili yāmkāhaowa.

2 WUNGNAOBING 24:14

Jerusalemwui mi saikora, kachām-khangaibing maningla, wungnao saikora, rai kapingbingla, athum thingtharā tukkhui, kachām-khangaibing maningla, pāngthem kathembing, mari kasābing chi tukthui kahaina.

2 WUNGNAOBING 25:12

Kha kachām-khangaibing khani kathumli lui vākhavai yāmgui sākhavai taimi.

EZRA 9:14

chithālaga ithumna nawui ningkhami kailuida ningkakachai kasā miyur hili ngalā ngakhotrala? Nana ithumli malungvātta mimazum akhala mashākla mamutchao ngasakmarala?

NEHEMIAH 7:2

Jerusalem mungkhavai ina ichina Hanani eina Hananiahli rammunga sāngasaka, kaja Hananiah hi mi saikorawui ngachaili ningkatonga kala Vareli ngacheemeikap kaji mi akhana.

JEREMIAH 44:14

chithāda sāda Egypt ngaleili somkida khavā Judahwui shākkahai akhala maringmara, Judahli unglui khavai akhala mangathishokmara; yāmkazat khani akha maningla khipākha maungrarluimara.”

EZEKIEL 6:9

chieina mi ngaleili yāmkhavā nathum raithā kahaili khuivā kahai chitharan ili phaningungra, kaja iwui eina pākthui kahai athumwui maphākakhui ning chi ina sakhaikhami tharan, kala maphākhuilakla meoma̱li shurkazatwui mik chi ngapeo ngasakhaora; kala athum khalattawui mikyanli athum khalatta, athumna makhangayi sākahai saikora chiwui vang ningkachaira.

EZEKIEL 7:16

Kachikathā ringkasābingna yāmshokakha, tampākwui nāsha̱ thāda kaphungli pamra kala khalattawui moreiwui vang sifara.