MISHĀN 9:22 - Kathara Bible (BSI)

²² Khanithangranu kachāngkharanu, sangmeiranu tabernaclewuitungli muiyā mangatha̱la leilakha eina tangda Israelwui mibingna mazatphokla ngasāma; muiyā lānkā kahai tharan zatphoka.

MISHĀN 9:22 Iomraidhean Croise

LAA 107:7

athumna pānkhavai keinung maungshungchaoranglakha, ana khangatar shongfa akha eina thānmi.

LAA 143:10

Nawui ningkachāng sākhavai tamchitheimilu; kaja na iwui Varena! Nawui kaphā manglā china, shongfali ashātli thānzatmilu.

LAA 32:8

Nana zatki kaji shongfa chi ina hāngchitheira kala tamchitheira; imikna yangmidai ina nali hāngchitheira.

LAA 48:14

Kaja mashimānda makashimān Vare hi ithumwui Varena. Mashimānda ana ithumwui thānkhame sāra.

LAA 73:24

Nana hāngkachithei eina ngasoda ili thānmi, kala naoda nana tekhamatei eina ili samphangra.

LAA 77:20

Nawui mili yao ashangva̱ thāda thānzat, Moses eina Aaronwui pāng eina.

SHONGZĀ 39:42

Prohona Mosesli kakaso saikora chi, Israelnaobingna katonga sākupa.

SHONGZĀ 40:16

Chithāda Mosesna sai; Prohona ali kakaso athishurda, chithāda ana sai.

MISHĀN 1:54

Chithāda Israelwui mibingna sai; Prohona Mosesli kakaso tākam eina athumna sai.

MISHĀN 8:20

Chithāda Moses, Aaron kala Israel ashangva̱na Mosesli Prohona kaso kahai athishurda Levinaobingli chithāda sāmi.

MISHĀN 9:17

Kala kachonshimtungwui eina muiyā chi lankā kahai tharan, Israelwui mibingna zatphoka, kala muiyāna khangasām apam chili Israelnaobingna rāmrah sāpama.

MISHĀN 9:21

Kachikathā atamli muiyā chi ngazin eina thuilaga ngathor eina tangda lei; kala muiyā chi ngathor lānkā kahai tharan athumna zatphoka; lah thangkha kala ngayā leifakha muiyā lānkakā tharan athumna zatphoka.

OTSAK 1:4

Ana athumli ngasopamda leilakha, Jerusalemwui eina mathuihaila Avāva̱na ngashitmi kahai chi honpamsā khavai hithada hānga, “Nathumna iwui eina shāhaira,