MISHĀN 9:15 - Kathara Bible (BSI)

¹⁵ Tabernacle khaningkāthang, ningkhami oko kachonshimwui tabernacle chi muiyāna ngapuikhamhaowa; kala chi ngazinshong tabernacletungli meizak thāda ngathor eina tangda hora.

MISHĀN 9:15 Iomraidhean Croise

NEHEMIAH 9:12

Muiyāwui pākra̱ eina nana athumli ngashun thānzata, kala ngayā hormi khavai meiwui pākra̱ eina athumna vāki kaji apamli thānzata.

NEHEMIAH 9:19

nawui hakkhamahā lukhamashan chiwui alungli nana athumli lamhāngli leilakha mahorhailakmana; shongfa thānkazata muiyāwui pākra̱ chi ngashun athumwui eina mapākthuihaimana, athumwui vāki kaji shongli hormi khavai meiwui pākra̱la mapākthuimana.

LAA 105:39

Khayinkham khavai ana muiyā phayaimi, kala ngayāshong horkhavai mei mi.

LAA 78:14

Ngashun ana muiyā eina, kala ngayā pongda meiwon kahor eina athumli thānmi.

SHONGZĀ 13:21

Ngashunshongla ngayashongla zatpai khavai, Prohona athumwui mangāli muiyawui pākra̱ eina rizatmi, kala ngayāshong mik theipai khavai meiwui pākra̱ eina athumwui shongzā thānmi;

SHONGZĀ 13:22

ngashun muiyawui pākra̱, ngayā meiwui pākra̱ mibingwui eina mapākthuilakmana.

SHONGZĀ 14:24

Ngathor kazing kathang eina muiyāwui kala meiwui pākra̱ eina Prohona Egypt katongali yangtai, kala Egypt raimi katongali pa̱ngapā ngasaka.

SHONGZĀ 40:2

“Kachāng kharewui zimiksho kharethang kazip khavai kachonshimwui tabernacle chi khaningkālu.

SHONGZĀ 40:34

Chiwui thili kazip khavai kachonshim chi muiyāna ngapuikhamhaowa, kala tabernacle chi Prohowui tekhamateina pemhaowa.

SHONGZĀ 40:35

Kala Moses kazip khavai kachonshimli mazangrarthuwa, kaja muiyāna ngapuirorhaida Prohowui tekhamateina tabernacle chi pemhaowa.

SHONGZĀ 40:38

Kaja shongzā peida Israel shimkhur saikorawui mikli ngashun kachida Prohowui muiyā kala ngayāshong mei tabernaclewuitungli khalei chi thei.

ISAIAH 4:5

Chiwui thili Zion kaphung kuimareida kala chiwui ngalemli khalei saikora chiwuitungli ngashunshong muiyā akha kala ngayāshong meikhut kala kahora meiwon akha Prohona shokngasakra. Tekhamatei saikora chiwuitungli khaya̱lar eina tārong leira.

MISHĀN 10:34

Kala athumna rāmrahwui eina zatphok kachida Prohowui muiyāna athumli ngashun thānzata.

MISHĀN 14:14

kala athumna ngalei hili pānda khaleibingli hānghaora. Athumna shāhaira, kaja O Proho, na miyur hiwui alungli lei kaji; kaja nali, O Proho, mai eina mai ngasungda theihaira, kala nawui muiyāna athumwuitungli ngasāmda kala ngashunshong muiyāwui pakra̱ kala ngayāshong meiwui pakra̱ eina nana athumli rizatmi.

MISHĀN 17:7

Kala Mosesna khāmshui saikora chi ningkhami oko haikhavai kachonshimli Prohowui mangāli haimi.

1 CORINTHNAO 10:1

Ivānaongarā, ina Mosesli kashura ishawo ishayi ngarāli khi shokhaokhala kaji nathumli phaningung ngasakngai. Athum saikorana muiyā chiwui thānkhami samphanga kala ka̱lākashi maleilakla Red Sea kānkai.

KHALATLUI 1:33

ana nathumli rizatta nathumli ngayā mei eina thānmi, ngashun muiyā eina thānmida nathumwui kachonshim khaning khavaipam phākhuimi, kala nathumna kachikathā shongfa eina vāra kajila chitheimi.