MISHĀN 9:14 - Kathara Bible (BSI)

¹⁴ “Kala kachikathā kha̱mi akha nathumwui alungli ngasozatta, ana Proholi makānkhami phanit mayonka jiakha, makānkhamiwui ain kala shiyan-chikanwui athishurda mayonranu; kha̱mi eina Israelnao khaniniwui shiyan-chikan ngaraichāra.”

MISHĀN 9:14 Iomraidhean Croise

EZRA 6:21

raithā kahaiwui eina latkhaungbing kala yur khangateibingwui khamakhaowui eina pākthuida Israelwui Vare Proholi khorumkida yāmshok kahai mi kachiva̱na shai.

SHONGZĀ 12:43

Kala Prohona Moses eina Aaronli hānga, “Hi makānkhamiwui shiyana; yur kateibingna mashaipaimara;

SHONGZĀ 12:47

Israel ashangva̱na mayonphalungra.

PĀNGMONSHI 19:10

Kala drakhātheila maphākhuiserhaialu, kala tātung kahai chila mamanākhuialu; chi kachāmabing kala ramkazat kha̱mibingwui vangna: I Proho nathumwui Varena.

PĀNGMONSHI 22:25

Yur khangateiwui eina hikathā sā samphanglala nathumna Varewui kashakazāna da machigatpaimara. Khamā khangakhai khangarai khaleiwui vang chikathā makhuisangmimara.

PĀNGMONSHI 24:22

Kha̱minaoranu, ramnaoranu, nathumna ain akhamāng eina zatra, nathumwui Proho Vare chi ina.”

PĀNGMONSHI 25:15

Jubileewui thili atam kasha̱-kasāng athishurda nana khongnaiwui eina lokhuira, kala atam kasha̱-kasāng athishurda māwui vang ana nali yorsangra.

MISHĀN 15:15

Yarui ashangva̱ eina kha̱miwui ningkhami ngaraichada katang mavaila thot-thot kachida leichingra; Prohowui mangāli kha̱mila nathumwui chithāpapamra.

MISHĀN 15:16

Nathum eina nathumli ngasokazat kha̱miwui vang ain akha kala sharphahor akhara.

KHALATLUI 29:11

nathumwui naongarā, napreiva̱ ngarā, kala nathumwui rāmrahli ngasopamda khalei kha̱minaobing, thing phākhame kala tara̱ tākhamebingla zangda leili,

KHALATLUI 31:12

Ain hiwui tui saikora chi ngasharda mayon khavai, mayarnao, sha̱nao kala naoshinaobing kala nathumwui keinung alungli khalei kha̱mibing kazipkhuilu, chithāda athumna shākhuida Proho nathumwui Vareli khangachee leira,