MISHĀN 9:13 - Kathara Bible (BSI)

¹³ Kha mi akhana katharla thar, kha̱ramla mavālaga makānkhami phanit mamayonakha, ali awui miyurwui eina katathaora, kaja ana langchin sākahai zimiksholi Proholi machigatmana; chieina awui morei akhalatta phungra.

MISHĀN 9:13 Iomraidhean Croise

HAOKAPHOK 17:14

Ahui marimkashoka mayarnao, chile awui yurwui eina katatphalungra; ana iwui tuingashit sākakhaina.”

SHONGZĀ 12:15

“Shinithang khawok makazang khamui shaira, kharethang khawok saikora shimwui eina horserhaora, kala kharethang eina thuilaga kashinethang eina tangda khawok kazanga khamui kashai mi chili Israelwui eina katathaora.

SHONGZĀ 12:19

khikhalajila shinithangwui vang nathumwui shimli khawok maleipaimara, kala khawok kazang kashai mi chi, ngasokharā kha̱miranu, ngalei chiwui miranu, Israel ashangva̱wui eina katathaora.

SHONGZĀ 12:47

Israel ashangva̱na mayonphalungra.

SHONGZĀ 30:33

Kachikathāna hili ngaraichāda manātkhuiakha, kala kha̱mili hi neomiakha awui yurwui eina katathaora.’ ”

SHONGZĀ 30:38

Kachikathāna nganamkaphā thao sāda hili ngaraichāda sakhuiakha awui yurwui eina katathaora,”

EZEKIEL 23:49

Kala nana sokhamasāpwui vang kashong sāphalungra, kala meoma̱li phaningda morei kasāwui kashong runphalungra; chieina, I Proho VAREna da nathumna theira.”

PĀNGMONSHI 17:10

“Israel shimkhuranu, kha̱mi ngasokharāranu, athumwui ngachaili ashee kazāpa chili ina mamayāmara, kala ali awui miyurwui eina katathaora.

PĀNGMONSHI 17:4

kala kazip khavai kachonshim khāmongpheili Prohowui tabernacle mangāli Proholi lemmet khami chigat khavai makhuiraakha, mi chili asheewui khayon tāra; ana ashee tāngasakhaira; kala mipa chili awui miyurwui eina katathaora.

PĀNGMONSHI 20:20

Mi akhana avāgato preiva̱wui khayā lānakha, avagatowui khayā khalān kathāna, khayon anina phungra, ani nao mapharāla thira.

PĀNGMONSHI 22:9

“Chiwui vang eina athumna iwui kakaso mayonphalungra, chi maningakha athumna makathar kasā chitharan athum hiwui vang morei phungda thira; athumli tharkhangasaka Proho chi ina.

PĀNGMONSHI 24:15

Kala Israelwui mibingli hānglu, awui Vareli khonkashe mi china morei chi phungra.

MISHĀN 19:13

Kachikathāna mi kathi angunli saza̱laga akhalatta mara̱vaimathaakha Prohowui tabernacle sākhamāng khangasakna, chieina mipa chili Israelwui eina katathaora; khikhalajila makathar pheokhavai tara̱ chi awuitungli maheirorthuda a matharmara; makathar chi awuili leichinga.

MISHĀN 19:20

“Kha makathara mi china akhalatta tharkhavai masaakha ali mibingwui eina katathaora; kaja Prohowui katharapam chi ana sākhamānghaowa; khikhalajila ana makathar pheokhavai tara̱ aphasāli heirorda mara̱vaithuda a matharmana.

MISHĀN 5:31

Mayarali khayonkhamāng maleimara, kha sha̱naopava̱na awui khayonkhamāng phungki kajina.”

MISHĀN 9:7

kala mibing china ali hānga, “Ithum kathingun saza̱da sāmakhaohaira; chiwui vang eina ithum Israelwui mibing khangateili ngasoda langchin sākahai zimiksholi Proholi kachigat masārumpaimara kajila?”

HEBREWNAO 12:25

Chiwui vang eina ngasharlu, matuida khalei tui chi makhuikasang masaalu. Okathuili tharkhamatheng tui hāngkhami chili makhuikasang athum chi mayāmshokrarthuwa. Chithaakha kazingramwui eina khamatuia chiwui eina yāmshokkida kayākha sakrakhala?

HEBREWNAO 2:3

Hiyākha kahaka huikhami hili ithumna manganāsangla kathada yāmshokpairakhala? Khareli Prohona huikhami hi hāngmi. Kala kashābingna chi mashunga da shākhi mihaira.

HEBREWNAO 6:6

mai ngareithui kahaibing! Athumli ning ngateilui khavai khuiungluiki kaji masākapai otna, kaja Varewui Naomayarali athumna krushtungli shāoshānluishitta yarui mangāli maishi ngasakta lei.

HEBREWNAO 9:28

Chiwui eina kachungkhawui morei pheomi khavai Khristali akhashida pha̱kaphayāna. Moreili bichar sākhavai maningla kha ali khangaraibingli huikhui khavai kakhane sāda rāluira.