MISHĀN 8:7 - Kathara Bible (BSI)

⁷ Kala nana athumli hithāda tharngasaklu: pheomi khavaiwui tara̱ chieina athumli kasirrorlu, chiwui thili phasā katonga kuisighai eina sitālu, kala kashankachon ngasa̱da athum khalatta tharngasaklu.

MISHĀN 8:7 Iomraidhean Croise

HAOKAPHOK 35:2

Chiwui vang Jacobna awui shimkhur kala ali khangasobing saikorali hānga, “Nathumwui alungli khalei ayar mibingwui varebing horserhaolu, kala nathum khalatta tharmathengda kashankachon shinhaolu;

LAA 51:2

Iwui makaphā makhayā saikorawui eina pheomilu, kala iwui moreiwui eina tharmilu!

LAA 51:7

Maharnā eina pheomilu, chieina I tharhaora; ili pheomilu, chieina I horāmli charmeihaora.

SHONGZĀ 19:10

Kala Prohona Mosesli hānga, “Mibingwuili vāda aja eina akhama tharchigat ngasaklu; athumwui kashankachon ngasa̱ ngasaklu;

ISAIAH 52:15

Chithāda ana yur kachungkhali matakhakhai ngasakra; awungabingna awui vang khamor katimhaora; kaja athumli mahānghaikasā chi athumna theira, kala mashālakrangkasā chi athumna theikhuira.

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

EZEKIEL 36:25

Ina tara̱ khamathing nali kasirrorda nathumwui makhaokasā chi tharserhaora, meoma̱ phaningkasāwui eina ina tharmihaora.

PĀNGMONSHI 15:27

Kala otbing chili sakaza̱ mi kachiva̱ matharmara, kala awui kashankachon ngasa̱ra, kala ra̱vaida ngazin eina tangda ngarangra.

PĀNGMONSHI 15:6

Kala zaizai khangaya̱ mina pamkahai kachiva̱ chili kapama mibing china awui kashankachon ngasa̱ra, kala tara̱ eina ra̱vaira, kala ngazin eina tangda ngarangra.

PĀNGMONSHI 16:28

Kala chi riktā kahaiwui thili mi china awui kashankachonbing ngasa̱haida tara̱ eina ra̱vailaga rāmrahlungli zangnaora.

PĀNGMONSHI 8:6

Kala Mosesna Aaronshi vānaongarāli khuirāda athumli tara̱ eina ra̱vaimi.

MISHĀN 19:13

Kachikathāna mi kathi angunli saza̱laga akhalatta mara̱vaimathaakha Prohowui tabernacle sākhamāng khangasakna, chieina mipa chili Israelwui eina katathaora; khikhalajila makathar pheokhavai tara̱ chi awuitungli maheirorthuda a matharmara; makathar chi awuili leichinga.

MISHĀN 31:20

Nathumna kashankachon kachiva̱, sāhuiwui ot saikora, mesamwui ot, kala thing eina sākakhuiwui ot kachiva̱ samathāra.”

MISHĀN 8:21

Kala Levinaobingna athum moreiwui eina athum khalatta sāmathākhui kala athumwui kashankachonbing ngasa̱sera; chieina Aaronna athumli khayitchigat sāda Proholi chigata, kala Aaronna athum tharkhavai pheomi.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.

HEBREWNAO 9:13

Meshee, seishee kala seinao rikkatāwui hotla chi ikrorlaga makathar athumli tharmisai.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.