MISHĀN 8:2 - Kathara Bible (BSI)

² “Aaronli hānglu, nana thaomei chi shārkā kahai eina, thaomei shini china thaomeishong chiwui mangāli kahor mira.”

MISHĀN 8:2 Iomraidhean Croise

LAA 119:105

Nawui tui ipheiwui thaomei na, iwui shongfawui kahorna.

LAA 119:130

Nawui tui khalākashokna kahor mi; ningkashambingli theikhui ngasaka.

SHONGZĀ 25:37

Kala nathumna thaomeishongwui vang thaomei shini sākhuilu kala kāparhaida china mangāshong horvāra.

SHONGZĀ 37:23

Kala ana thaomeishong chili tengkotnao thāda thaomei shini kala khanit khavai eina akhongla sinā kachanga eina sākhui.

SHONGZĀ 39:37

sinā kachanga eina kasā thaomeishong kala chiwui thaomeibing, kala chiwui khorkhongbing saikora; kala shārkhavai thaola;

SHONGZĀ 40:25

kala Prohona Mosesli kakaso chi tākam eina thaomeila Prohowui mangāli runghai.

ISAIAH 8:20

Tamkachithei kala shākhili yanglu! Athumna matuida khalei tui chili zingthan maleimana.

PĀNGMONSHI 24:4

Aaronna thaomeibing chi sinā eina kasā thaomeishong tungli ngachamlak eina haida Prohowui mangāli kahor chi leishon ngasakra.

MISHĀN 8:1

Prohona Mosesli hānga,

MISHĀN 8:3

Chieina Aaronna chithāda sai; Prohona Mosesli kaso kahai thāda thaomeishong chiwui mangāli kahor mikhavai thaomeibing chi ana sharkai.

MATTHEW 5:14

“Nathum apuk-apagva̱wui kahorna. Kaphungtungli sākā kahai keinung chi mathumhaipaimana.

JOHN 1:9

Mi kachiva̱li horkhangasaka khamashunga kahor chi okathuili rākhamina.

2 PETER 1:19

Khamarān tui chi ithumna mathāmeida theikhui. Tui chili nathumna ningsangmeida nganākhuiakha phāmeikharra, khiwui vangkhala kaja hiya kazing mathangranglakha kala nathumwui ningli zingthanwo mashokranglakha, tangkhamang pamli thaomei kashar kathāna.

PHONGKHAMI 1:12

Ili khangazeka akhon chi khipākhala da yangkhui khavai ngareikhaung eina sinā thaomeishong shini thei;

PHONGKHAMI 1:20

Iwui yāpāngli nana sirā shini kathei, kala sināwui thaomeishong shini chiwui khangathum kakhalat chi hina; sirā shini chi church shiniwui kazingraobingna, kala thaomei shini chi Church shini china.

PHONGKHAMI 4:5

Wungpamkhong chiwui eina rikhān ngasheiya, kazing ngashuma kala akhon shoka, wungpamkhong mangāli thaomei shini shārhai. Chi Varewui manglā shinina.