MISHĀN 8:12 - Kathara Bible (BSI)

¹² Chiwui thili Levinaobingna mukkā khani chiwui kuili pāng parra, kala nana akha chi suihamchigatwui vang kala akhapāna rikkatā kachigatwui vang Proholi chigatra. Hi Levinaobingli pheomi khavaiwui vangna.

MISHĀN 8:12 Iomraidhean Croise

SHONGZĀ 29:10

“Chiwui thili mukkā chi kazip khavai kachonshim mangāli khuirāra. Aaron kala anaomayarabingna mukkawui kuitungli pāng parra,

PĀNGMONSHI 1:4

rikkatā kachigat chiwui kuitungli ana pāng parra, chieina ali pheomida khuisangmira.

PĀNGMONSHI 14:22

kala kha̱na̱nao khani, lah nasha̱nao khani awui mikashap chi khuirāra; akhava suihamchigatwui vang, khangatei akhapāna rikkatā kachigatwui vang khuirāra.

PĀNGMONSHI 16:11

Aaronna akhalattawui vang mukkā chi suihamchigatwui vang khuirāra, kala a eina ashi shimkhurwui vangla pheomi khavai sāra; awui vang mukkā chi suihamchigat sāda ana taithatlaga chigatra.

PĀNGMONSHI 16:21

kala Aaronna apāng khanini mekuili parhaida, Israelnaowui makaphā saikora, khayonkhamāng sākahai, kala moreibing saikora hāngphatra; hāngphatta saikora chi mekuili phungngasakra, kala ngaranping kahai mi akhawui pāngli horsangmida ana me chi lamhāngli vachihohaora.

PĀNGMONSHI 16:6

Kala Aaronna suihamchigatwui vang mukkānao chi akhalattawui vang chigatra, kala awui shimkhurwui vangla pheomira.

PĀNGMONSHI 4:15

kala Prohowui mangāli ashangva̱wui ararbingna sei chiwui kuitungli pāng parra, kala mukkā chi Prohowui mangāli taithatra.

PĀNGMONSHI 4:20

Hithāda ana suihamchigatli kasā thāda pāngmon china mukkā chila chigatra, hithāda pāngmon china athumwui vang pheomi khavai pha̱phayāmida athumli pheomira.

PĀNGMONSHI 4:35

Kala chiwui ningyatchigatwui thāda athao saikora khuilaga, kala pāngmonna Proholi rikkatā kachigatwui hanphutli riktāra; kala pāngmon china moreiwui vang pheomi khavai sāra, kala ali pheomihaora.

PĀNGMONSHI 4:4

Ana Prohowui mangāli kazip khavai kachonshimwui khāmongli mukkā chi khuirāranu, kala ana mukkāwui kuili apāng parda taithatra.

PĀNGMONSHI 5:7

Kha ana yaonao mashokrarakha, awui suihamchigatwui Proholi kachigat sāda, kaja awui morei sākahai chiwui vang khana̱nao khani khuirāra, akhana suihamchigat sākhavai, akhapāna rikkatā kachigat sakhavaina.

PĀNGMONSHI 8:14

Chiwui thili ana suihamchigatwui mukkā chi khuirāda suihamchigat sākhavai mukkā chiwui kuitungli Aaron kala awui naomayarabingna pāng para.

PĀNGMONSHI 8:15

Kala chi Mosesna taithatlaga ashee chi khuida hanphutwui angachibingli pāngmareng eina kuimareida neoda hanphut chi tharmatheng ngasaka, kala ashee chi hanphutpheili heirora, kala hiwui vang tharchigatta neomiya.

PĀNGMONSHI 8:18

Chiwui thili ana rikkatā kachigatwui yaovā chi khuirāda chiwui kuitungli Aaron kala awui naomayarabingwui pāng para.

PĀNGMONSHI 8:34

Aja kasā thāda, nathumwui vang pheomi khavai, Prohona sālu da kasohaira.

PĀNGMONSHI 9:7

Chieina Mosesna Aaronli hānga, “Hanphutli rānganaida nawui suihamchigat kala rikkatā kachigat pha̱phayālu, na kala nawui mibingwui vang pheomi khavai sālu, kala Prohona kakaso athishurda mibingwui kachigat chi khuirāda athum moreiwui vang pheomi khavai sālu.”

MISHĀN 6:14

Kala ana Proholi awui khami chi chigatra, kala rikkatā kachigatwui vang kumkha kākahai achuk kapei yaonao akha, kala suihamchigatwui vang kumkha kākahai achuk kapei yaova̱ akha, kala ningyatchigatwui vang kumkha kākahai achuk kapei yaovā akha,

MISHĀN 6:16

“Kala pāngmon china chi Prohowui mangāli khuivāda awui suihamchigat eina rikkatā kachigat chi chigatra,

MISHĀN 8:13

“Kala nana Levinaobing chi Aaron eina awui naomayarabingwui azingli leingasakta athum chi khayitchigat sāda Proholi chigatra.

MISHĀN 8:8

Chiwui thili athumna mukkānao akha kala tharāzātchigatwui vang manaktak kahai mathir thao manātlaga khuirāranu, kala nana khangatei mukkānao akhala suiham chigatwui vang khuirāra.

HEBREWNAO 9:22

kachangkhata ainwui athishurda ot saikora ashee eina tharmi ngasakpapama; kala ashee tākhami maningla morei mapheomipaimana.