MISHĀN 7:89 - Kathara Bible (BSI)

⁸⁹ Kala Mosesna Proholi ngazekkida kazip khavai kachonshimli kazang chitharan, Cherub khaniwui ngachaili khalei ningkhami okowuitungli haikahai lukhamashan pamkhongwui eina ali khangazekkhon ana shai; chithada ali ngazeka.

MISHĀN 7:89 Iomraidhean Croise

1 WUNGNAOBING 6:23

Alungwui tharkhamatheng kā chili olivething eina cherubim khani sāsanga; khanini chi khuining tharārā sanga.

LAA 80:1

O Israelli Homkhame, khanganāmilu, Josephli yao thāda homkhame! Cherubimtungli kapama na, horshoklu

LAA 99:1

Prohona munga, mibingna kathirranu! Ana Cherubtungli pama; okathuina nganukranu!

SHONGZĀ 40:34

Chiwui thili kazip khavai kachonshim chi muiyāna ngapuikhamhaowa, kala tabernacle chi Prohowui tekhamateina pemhaowa.

SHONGZĀ 40:35

Kala Moses kazip khavai kachonshimli mazangrarthuwa, kaja muiyāna ngapuirorhaida Prohowui tekhamateina tabernacle chi pemhaowa.

PĀNGMONSHI 1:1

Prohona Mosesli kazip khavai kachonshimwui eina hoshokta hānga,

MISHĀN 1:1

Egypt ngaleiwui eina athumna shokta kakhane kum, kachāng kakhanewui kharethang, Sinai lamhāngli leilakha kazip khavai kachonshimwui alungli Prohona Mosesli hānga,

MISHĀN 11:17

Chieina ina nali chili tāngazekra; kala nawui eina ina manglā kakhuilaga athumli sangmira, chieina athumnala mibingwui kachot chi nali phungrumra, namāngna maphungluimara.

MISHĀN 12:8

Ale ina mai eina mai yangngasungda tharlak eina khangazekna, makashā tui eina khangazek maningmana; kala ana Prohowui zak theikhui. Chithākha khiwui vang nanina iwui rao Moseswuitungli matuikida katharin maleithu?”

MISHĀN 8:1

Prohona Mosesli hānga,

HEBREWNAO 4:16

Chiwui vang eina lukhamashan khaleipam Varewui wungpamkhongli chihansa̱ vāsa. Chili ithum lukhamashan samphangra kala ithumna khavāt tharan ngachonmi khavai lukhamashan samphangra.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.

1 SAMUEL 4:4

Chieina Shilohli mibing chihovai, kala cherubim tungli chipam kahai, saikorawui Prohowui tuingashit oko chi chiwui eina khuiunga, kala Eliwui naomayara Hophni eina Phinehasna Varewui tuingashit oko chili ngasorai.