MISHĀN 7:62 - Kathara Bible (BSI)

⁶² nganamkaphā otna pemting kahai shekel tharā kharit sinā khongphei akha;

MISHĀN 7:62 Iomraidhean Croise

LAA 112:2

Awui ara̱-azā ngalei chili pangshap leilakra; mashungrik kahaiawui mithotli somira.

ISAIAH 66:20

Israelanaobingna tharzāri kahai khongsai eina athumwui muisakchigat Prohowui shimli khuikharā thada, athumna yur saikorawui eina nachinā ngarā katongali Proholi kachigat sāda athumli sigui eina, siguigari eina, dolai eina, gadhā eina, kala ut eina iwui kathara phungrei Jerusalemli khuirāra da Prohona hānga.

DANIEL 9:27

Ana haptā akhawui vang kachungkhali mangacheikapai tuingashit khuira, kala haptā chiwui ngahunshing khavā eina athumwui pha̱kaphayā kala kachigat saikora khāmmihaora; chiwui mahutli Khorumshimwui chuimeikap kajeli khalei katharapam chili ningkakachai yangkakharing meoma̱ haihaora kala Varena mipa chiwui vang ngarān kahai athit chi marāranglakha eina tangda leiki jihaoda mi khipanakha makhorumpaithuda katharapam chi ramcho kahai thahaora.

MISHĀN 7:61

ana shekel shākha kala thumrā kharit lupāsāwui khongphei akha, shekel hangshini kharit lupāsāwui khongsai akha, khanini chi kathara shimwui shekelchākwui athishurda tharāzāt kachigatwui vang thao khamanāta manaktak kahai mathirna chipem ngasaka;

MISHĀN 7:63

rikkatā kachigatwui vang mukkānao akha, yaovā akha, kala kumkha kākahai yaovānao akha;

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.

HEBREWNAO 13:15

Jishuwui mangā eina ithumwui pha̱kaphayā sāda Vareli atam kachida masotchikatsa; hi ithumwui khamor eina a Prohona da hāngkaphatwui kachigatna.

PHONGKHAMI 5:8

Kakhui eina kharinga sāyur mati kala arar maga̱da mati china Yaonao chiwui mangāli ngakhumsangsera. Athum chi tingteilā ava̱va̱, kala nganamkaphā thao pemting eina kazang sinā tengkot akharip singa, chi kathara mibingwui seihā kasāna,

PHONGKHAMI 8:3

Chiwui thili khangatei kazingrao akha hanphut ngalemli rānganinga, ana nganamkaphā thao riktā khavai sinā tengkot akha singa, kala katharabing saikorawui seihā kasāli chigatrum khavai ali nganamkaphā thao kachungkha mi, kazingrao china kachigat chi wungpamkong mangāli khalei sinā hanphuttungli pha̱phayāmi.

PHONGKHAMI 8:4

Kazingrao chiwui pāng eina anganam chiwui akhut chi katharabingwui seihā kasā eina ngasoda Varewui mangāli kashunghaowa.