MISHĀN 7:10 - Kathara Bible (BSI)

¹⁰ kala kathānabingna hanphut chi thao neomithang dharkatwui vang kachigat miya; kala kathānabingwui kachigat chi hanphutwui mangāli khuirai.

MISHĀN 7:10 Iomraidhean Croise

1 WUNGNAOBING 8:63

Ningyatchigatwui vang Solomonna Proholi mukkā thingmaga̱da khani, yao lakh akha thingmaga̱ chigata. Chithāda awunga kala Israelwui mi saikora Prohowui shim chi dharchigathaowa.

2 THOTRINCHĀN 7:5

Awunga Solomonna kachigat sāda mukvā thingmaga̱da khani kala yao lakh akha thingmaga̱ chigata. Chithāda awunga kala mi saikorana Varewui shim chi tharchigata.

2 THOTRINCHĀN 7:9

Athumna hanphutwui dharkat eina phanit shinithang kasāwui vang kachishatathang athumna chingri kahai kazip khui.

NEHEMIAH 12:27

Jerusalemwui phākho dharkatli kortar, tingteilā, kala lyre singda khamathān, sokachikat kala laa kasā eina ngasoda dharkat mayon khavai athumna Levinaobingli apam saikorawui eina hokhuida Jerusalemli khuirā ngasaka.

NEHEMIAH 12:43

Kala chithang athumna hakmahālak eina pha̱kaphayā sāda mathāna, kaja Varena athumli mathān ngasaka; sha̱naobingla, naoshinaobingla mathānshunhaowa. Kala Jerusalemwui khamathān chi apam katāva̱ eina tangda shāvai.

LAA 30:1

O Proho, ina nali masot mira, kaja ili khāngshokmihaowa, kala iwui yangkashebingli iwuitungli mamathān ngasakmana.

MISHĀN 7:1

Mosesna tabernacle khaningkāda chiwui thongthāngbing saikora thao neolaga tharchigatta, kala hanphut chiwui khorkhongbing saikora thao neolaga tharchikatthang,

MISHĀN 7:11

Chieina Prohona Mosesli hānga, “Athumna hanphut dharkatwui vang kachigatbing chi, thangthang kathāna ava̱va̱na chigatra.”

MISHĀN 7:84

Hanphut chi dharkat sāda chi thao neomithanghon, Israelwui kathānabingna kachigatbing chi hina: lupāsāwui khongphei tharāda khani, lupāsāwui khongsai tharāda khani, sinā khongphei tharāda khani;

MISHĀN 7:88

kala ningyatchigatwui vang sha̱kei katonga mukkā maga̱da mati, yaovā hangtharuk, mevā hangtharuk, kala zingkum akha kākahai yaovānao hangtharuk. Hibing hi thao neomihailaga dharkat sāthang hanphutli kachigatna.

KHALATLUI 20:5

Chiwui thili otva̱bingna hāngra, ‘Shim sāhailaga dharkat makārang kaji khipā leikhala? Leiakha athumli hanunghaoranu, chi maningla raili thisanghaiakha mi khangateina dharkat kahaora.