MISHĀN 6:9 - Kathara Bible (BSI)

⁹ “Kashuirak eina awui ngalemli kachikathā mi akha thihaida awui tharchigat kahai kuisam sākhamāng ngasakhaiakha, awui tharki kaji zimikshothang kui sira; kashinethang ana kui sitāra.

MISHĀN 6:9 Iomraidhean Croise

EZEKIEL 44:27

Kala ana alungkayāng, kathara kāli zangthang, katharapamli otram khangatha̱ chitharan suiham chigat pha̱phalungra da Proho VAREna hānga.

PĀNGMONSHI 14:8

Kala tharkahai mipa china awui kachon ngasa̱ra, awui sam sitāra kala ra̱vaira, chieina a tharhaora. Chiwui thili ana rāmrahlungli ungpamra, kha awui kachonshim ayārli shinithang pamra.

PĀNGMONSHI 14:9

Kala kashinethang kui sihaida morhāla, mikphunghāla, kala ahā saikorala sitāra. Chiwui thili kashankachon ngasa̱da ra̱vailaga tharhaora.

MISHĀN 6:18

Kala Nazirite china awui tharchigat kahai kui chi kazip khavai kachonshimwui khāmongli sira, kala chigat kahai kuisam chi khuilaga ningyatchigat sākhavaiwui azingli khalei meili horsangra.

MISHĀN 6:8

Awui chigatchao kahai atam peida ava Prohowui mangāli katharana.

OTSAK 18:18

Paulna zimiksho kasāngkha Corinthli shitkasangbingli ngasoda pamsanga, kala chiwui thili athumli pākngarokhailaga Syriali marikhong eina vāhaowa, Priscilla eina Aquilala ngasovai kala Cenchreali sam achichapa kaja a tuingashit akha sāhaisai.

OTSAK 21:27

Zimiksho shinithang peinanai khorumshimwui alungli Asia ngaleiwui eina kharā Jihudibingna Paulli thei. Athumna yaruili kasatsanglaga Paulli tukkhuida hānga,

KHALATLUI 21:12

ngalāva chi nawui shimli khuiungda awui kui simihaolu, pangringkorla chichāpmihaolu.