MISHĀN 6:3 - Kathara Bible (BSI)

³ ana khorla kala maripkapaiya zamla khāmranu; drakhātheiwui eina surkakhui atheira̱; kala drakhāra̱ mamangpaimana, kala drakhāthei khanganao, lah akaola mashaipaimana.

MISHĀN 6:3 Iomraidhean Croise

PĀNGMONSHI 10:9

“Nathumna kazip khavai kachonshimli khavā tharan; naranu, nanaomayararanu, drakhāra̱ lah zamshei mamangalu, thipaishina; nawui naothot peichaoda hi makashimāna shiyan-chikanna.

AMOS 2:11

Kala ina nanaomayara kaikhali marān sāngasaka, yaronnao kaikhali Nazirite sākhavai vang. O Israelnaobing, chi mathākachangkhatmala?” da Prohona hānga.

AMOS 2:12

Kha Naziritebingli nathumna zam mangngasaka, kala marānbingli nathum mamarānalu da kasoi.

MISHĀN 6:4

Awui ngashit kahai atam peida drakhārongwui eina samkaphang saikora athā, lah akor eina tangda mashaipaimana.

LUKE 1:15

Kaja Prohowui miktāli a kahaka mi ngasāra kala zamkhorla, khamaripa otla masāza̱mara, Ava̱wui naopamli leilakhawui eina, ali Manglā Kathara pemtinghaora.

LUKE 21:34

“Ngasharda rimpamlu! Okathui hiwui lumkhalao, khamarip kala mirinwui vang kaphaning china nathum khalattali mayui ngasakalu, atam chi kashuirak eina khale thada rārāsāpaishina.

EPHESIANAO 5:18

Nathumli shimān ngasaki kaji zamkhor manglaga mamariphaialu, kha Manglā Kathara eina pemtinghailu.

1 THESSALONICANAO 5:22

makaphā katonga chi chihochaohaolu.

1 TIMOTHY 5:23

Tara̱māng mamangalu, kha khaluizā khavaiwui vang, kala nali kazāching kajiwui vang, drakhāra̱ kateteo manglu.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.

WUNGVA̱-WUNGVĀ 13:14

Drakhārong eina kashok akhala mashairanu, drakhāra̱ lah zamsheila mamangranu, makathar otla mashairanu; ina kaso kahai saikora chi ana mayontitranu.”

WUNGVA̱-WUNGVĀ 13:4

Chiwui vang eina ningngasharlu, drakhāra̱ranu, zamsheiranu, mamangalu, kala makathar mashai-mashakalu.