MISHĀN 6:20 - Kathara Bible (BSI)

²⁰ kala pāngmon china Prohowui mangāli chi khayitta khayitchigatra; hi eina ngasoda khayitchigat kahai asuk eina chigat kahai khaishāng pāngmonwui kathara yarna; hiwui thili Naziritepa chi drakhāra̱ mangpaira.

MISHĀN 6:20 Iomraidhean Croise

HĀSHOKME 9:7

Vāda, ningyangunglak eina aphāshak aphāzālu; kaja nana kasāsā chi Varena mayāmi kahaina.

ISAIAH 25:6

Phungrei hili saikorawui Prohona okathui miyur saikorawui vang zātkhān akha ngarānmira, aman kasaka kashakazā kala mathāmeithui kaji drakhāra̱ eina.

ISAIAH 35:10

Kala Prohona ngatangkhui kahaibing laa sālaga Zionli latungra; ningli katang makhavai ringkaphā eina ngasoda, athumna ringkaphā khamathān samphangra; kakhanang sikafa thuihaora.

PĀNGMONSHI 10:15

Chigat kahai aphei kala khayitchigat kahai asuk chi athumna riktāda kachigat athao chieina ngasoda Prohowui mangāli khayitta kachigatwui vang khayitra, kala chi Prohona kaso kahai athishurda nawui vang kala nanaomayara ngarāwui yar mashimānda leichingra.”

PĀNGMONSHI 23:11

kala ana māmazān chi Prohowui mangāli khayitra, chithāda nathumna khuisangkhami samphangpaira; akhama kathā sabbathwui thili pāngmon china khayitchigatmira.

PĀNGMONSHI 7:30

Mei eina riktāda kachigat, Prohowui pha̱kaphayā chi awui pāng eina khuirāki kajina, athao chi asuk eina ngasoda khuirāra, asuk chi Prohowui mangāli khayitta kayitchigat sāra.

PĀNGMONSHI 7:31

Athao chi pāngmonna hanphuttungli riktāra, kha asuk chi Aaron kala awui naomayarabingwui sāra.

PĀNGMONSHI 7:32

Kala nana nawui ningyatchigat kapha̱wui yashongwui akhaishāng pāngmonli mira.

PĀNGMONSHI 7:34

Ningyat chigatwui asuk khayit kahai chi kala khaishāng chigat kahai chi Israelnaowui eina ina khuikahaina, kala pāngmon Aaron kala awui naomayarabingli mikahaina, hi Israelnaobingna michingphalungki kaji mikhangayi yarna.

PĀNGMONSHI 9:21

Mosesna kakaso thāda asuk eina yāshongwui akhaishāng chi Aaronna Prohowui mangāli khayitchigat sai.

ZECHARIAH 10:7

Chieina Ephraim raikhoka kathā ngasāra, kala drakhāra̱ khamang thāda ringphāra. Anaongarāna thuitheida mathānra, athumwui wuklungna Proholi mathānkhailakra.

ZECHARIAH 9:15

Saikorawui Prohona athumli makānmira, kala athumna lunggui eina kahorbingli tukkhuilaga naitāhaora; kala athumwui ashee drakhāra̱ khamang thāda mangra, tengkot kapem thāda pemtinghaora, hanphutwui achikunbing thāda ya̱sophaora.

ZECHARIAH 9:17

Mha, chi kayākha phā, kayākha mathāra! Mayar ngalābingli theishirai kala kadhara drakhātheina pangsang ngasakra, kala mayā ngasakra.

MISHĀN 18:18

Kha chiwui aphibing chi nawui sāra; khayitchigat kahai asuk kala yāvākwui akhaishāng nawui sāra,

MISHĀN 5:25

Chieina pāngmon china ningkhamaongwui tharāzāt kachigat chi sha̱nao chiwui pāng eina khuida tharāzāt kachigat chi Prohowui mangāli khayitchigatra kala chi hanphutli khuirāra;

MISHĀN 6:21

“Hi khangashit kasaa Naziritewui ainna. Nazirite akha sāda ana khangashit athishurda ana tuingashit kakhui athishurda Proholi chigatranu, chithāda sāda ana Nazirite akha sākida chigatchao kahaiwui ain athishurda sāra.”

MATTHEW 26:29

Ina nathumli kahāngna, iwui Avāwui wungramli nathumli ngasoda kadhara drakhāra̱ mangrumki kaji zimiksho marāranglakha eina tangda ina drākhārong hiwui mamangluimara.”

MARK 14:25

Kachangkhat ina nathumli kahāngna, Vare wungramli kadhara drakhāra̱ mangki kaji zimiksho chi marāranglakha eina tangda ina drakhāra̱ hi mamangluimara.”

JOHN 19:30

Jishuna atheira̱ chi manglaga “Ngachanghaira” da hānglaga kui mashunzangda thihaowa.