MISHĀN 6:18 - Kathara Bible (BSI)

¹⁸ Kala Nazirite china awui tharchigat kahai kui chi kazip khavai kachonshimwui khāmongli sira, kala chigat kahai kuisam chi khuilaga ningyatchigat sākhavaiwui azingli khalei meili horsangra.

MISHĀN 6:18 Iomraidhean Croise

MISHĀN 6:17

kala ana Proholi yaovā chi khawok makazang khamui luk akha eina ngasoda ningyatchigat chigatra; tharāzāt kachigat eina chiwui ra̱shakchigatla chigatra.

MISHĀN 6:5

“Awui ngashit kahai atam peida awui kuili kuisighai maparpaimana; Proholi chigatchao kahai atam makupranglakha eina tangda a tharmathengra; kuisam phungda sāngsang ngasakra.

MISHĀN 6:9

“Kashuirak eina awui ngalemli kachikathā mi akha thihaida awui tharchigat kahai kuisam sākhamāng ngasakhaiakha, awui tharki kaji zimikshothang kui sira; kashinethang ana kui sitāra.

LUKE 17:10

Chi tākam eina nathumli kaso kahai saikora sākup kahai tharan ‘Ithum khikha masā khavai raobingna; ithumna ithumwui angalang chimāng sākahaina’” da hānglu.

OTSAK 18:18

Paulna zimiksho kasāngkha Corinthli shitkasangbingli ngasoda pamsanga, kala chiwui thili athumli pākngarokhailaga Syriali marikhong eina vāhaowa, Priscilla eina Aquilala ngasovai kala Cenchreali sam achichapa kaja a tuingashit akha sāhaisai.

OTSAK 21:23

Chieina ithumna kahāng chi sali. Hili tuingashit khuikahai mi mati leili;

OTSAK 21:24

athumli ngasovaulu kala athumli ngarumda samatharkhuilu kala chiwui aman mihaolu, chithākha athum kui sitāpaira. Hithada kasā hi eina athumna nawuitungli hāngkakasot chi khamashung khikha maleimana kha nava ainwui athishurda okthuida lei kaji mi kachiva̱na theipaira.

OTSAK 21:26

Chieina Paulna athumli thānphungda akhama kathā athumli ngasoda sāmatharkhuilaga khorumshimli vāda athumwui tharkhangasakwui zimiksho katharān kupra kala athum ava̱va̱wui kachigat katharān mirakhala kaji athumli achishātmi.

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.