MISHĀN 6:15 - Kathara Bible (BSI)

¹⁵ kala khawok makazang khamui luk akha, mathir eina thao manātlaga sākakhui khamui, kala thao neokahai katheng khamui, kala athumwui tharāzātchigat eina ra̱shakchigat chi Proholi chigatra.

MISHĀN 6:15 Iomraidhean Croise

SHONGZĀ 29:2

kala khawok makazang khamui, khawok makazanga thao eina khamanāt khamui, thao eina teiror kahai khawok makazang katheng khamui, hi nana khamanaka kehuwui mathir eina sāra.

ISAIAH 62:9

kha mā kahātbingna chi zāda, Proholi sochikatra, kala drakhāra̱ kazipkakhuibingna chi mangra, iwui kathara shim kayāngli.

JOEL 1:13

O pāngmonbing! bora ngavailaga chapngachālu, O hanphutwui otram khangatha̱bing sifalu, O iwui Varewui otram khangatha̱bing ngayā bora ngavaipilu! Khikhalajila Varewui shim eina tharāzat kachigat, ra̱shakchigat khāmserhaira.

JOEL 1:9

Tharāzat, ra̱shakchigat katathaira. Prohowui shim eina pāngmonbing, otram khangatha̱bingna sifaya.

JOEL 2:14

Proho nathumwui VAREna ning ngacheihaida ana mavātlakla somilapai. Chitharan Vare Prohowui vang muisakchigat, ra̱shakchigat nathuma chigatpai.

PĀNGMONSHI 2:4

Nathumna tharāzāt khamui ngānlaga chigat khavai khuikharā tharan, mathir nailaga thao makhamanāt, khawok makazang manaktak kahai mathir, lah khawok makazang katheng khamui thao eina pahangkakhui chi khuirāra.

PĀNGMONSHI 7:12

Kalikha ana ningkashiwui vang chigatakha thao khamanat khawok makazang khamui chigatra, thao heiror kahai khawok makazang khangava khamuiyur kala manaktak kahai mathir manātkazaklaga chigatranu.

PĀNGMONSHI 8:2

“Aaron eina anaomayarabingli hokhuilu; kala sāribingla, neokhavai thaola, kala suihamchigatwui vang mukkā akhala, kala yaovā khani eina khawok makazanga khamuiwui luk chila khuilu.

PĀNGMONSHI 9:4

kala ningyatchigatwui vang mukkā akha, yaovā akha Prohowui mangāli pha̱phayālu, kala thao eina manāt kahai tharāzāt kachigatla khuilu; kaja aja Prohona nathumli rāchitheira.”

MISHĀN 15:10

kala nana ra̱shakchigatwui vang zam lengkhor akhawui tangkhai mei eina kachigat sāda hi Proholi ningyāngkhaung nganamkaphā chigatra.

MISHĀN 6:16

“Kala pāngmon china chi Prohowui mangāli khuivāda awui suihamchigat eina rikkatā kachigat chi chigatra,

1 CORINTHNAO 10:31

Zālala, manglala, kasāsā saikora Vareli tekmatei khavai sālu.

1 CORINTHNAO 11:26

Hiwui kakhalata, nathumna khamui shaida kala tengkot hiwui eina mangda Prohona marāranglakha eina tangda awui kathi shākhi kasāna.