MISHĀN 5:9 - Kathara Bible (BSI)

⁹ Kala kachigat ot kachiva̱, Israel mibingwui khuikharā kathara ot pāngmonli khuikharābing chi awui ngasāra;

MISHĀN 5:9 Iomraidhean Croise

SHONGZĀ 29:28

Chi Aaron kala anaomayarabingli Israelnaobingna miphalungki kaji ngasāchingra, kaja Israelnaobingwui ningyatchigatwui eina pāngmonna samphangki kaji yarna; hi athumna Proholi kachigatna.”

PĀNGMONSHI 10:13

Nathumna hi katharapamli shaiki kajina, kaja hi na kala nanaomayara ngarāwui yarna, mei eina riktāda Proholi hanphut kasāwui eina nathumna samphangkhangayina da ili kaso kahaina.

PĀNGMONSHI 10:14

Kha pha̱phayāda chigat kahai asuk eina akhaishāng chiya katharpam akhali shaipai, nala nanaomayarala, kala sha̱naola shaipai; kaja Israelnaobingwui ningyatchigatwui eina hi nawui vang nanaomayara ngarāwui vang yar sakahaina.

PĀNGMONSHI 10:15

Chigat kahai aphei kala khayitchigat kahai asuk chi athumna riktāda kachigat athao chieina ngasoda Prohowui mangāli khayitta kachigatwui vang khayitra, kala chi Prohona kaso kahai athishurda nawui vang kala nanaomayara ngarāwui yar mashimānda leichingra.”

PĀNGMONSHI 6:26

Moreiwui vang pha̱khame pāngmon china chi shaira, kazip khavai kachonshimwui yāngkhup katharapamli shaira.

PĀNGMONSHI 7:32

Kala nana nawui ningyatchigat kapha̱wui yashongwui akhaishāng pāngmonli mira.

PĀNGMONSHI 7:34

Ningyat chigatwui asuk khayit kahai chi kala khaishāng chigat kahai chi Israelnaowui eina ina khuikahaina, kala pāngmon Aaron kala awui naomayarabingli mikahaina, hi Israelnaobingna michingphalungki kaji mikhangayi yarna.

MISHĀN 18:19

“Israelwui mibingna Proholi kathara kachigatbing saikora ina nali, nanaomayarabingli, kala nanaongalāva̱ ngarāli metchang kahaina. Hi na kala nawui ara̱-azāwui vang Prohowui mangāli katang makhavai machiwui tuingashitna.”

MISHĀN 31:41

Chieina Proholi khami kachigat shaibing chi, Prohona kakaso athishurda Mosesna pāngmon Eleazarli mihaowa.

MISHĀN 5:8

Kha kalikhada khayon chiwui vang runkāda samphangki kaji sāza̱ kahaipawui athei-asā maleisaakha, khayonwui vang runkakā chi Proholi pāngmonwui vang sāda mira, pheomi khavaiwui vang yaovā akha kala awui vang pheokhamiwuitungli akha ngarorki kajina.

KHALATLUI 12:26

Kha kathara nathumwui eina chigatkharān otbing kala nathumwui khangashit kachigatbing, Prohona kapangkhui kahaipam chili khuivāra;