MISHĀN 5:8 - Kathara Bible (BSI)

⁸ Kha kalikhada khayon chiwui vang runkāda samphangki kaji sāza̱ kahaipawui athei-asā maleisaakha, khayonwui vang runkakā chi Proholi pāngmonwui vang sāda mira, pheomi khavaiwui vang yaovā akha kala awui vang pheokhamiwuitungli akha ngarorki kajina.

MISHĀN 5:8 Iomraidhean Croise

2 WUNGNAOBING 12:16

Khayonchigatwui pheisā eina suihamchigatwui pheisā Prohowui shimli makhuirāmana; chiya pāngmonbingwui vang sāhaowa.

PĀNGMONSHI 5:16

Chili lāngda ana kathara ot sashimānmi kahai chi ana runphalungra, chiwuitungli sharuk phangāwui akha mataida pāngmonli mira; kala pāngmon china suihamchigat yaovā chieina ngasoda ali pheomi khavai sāra, kala ali pheomihaora.

PĀNGMONSHI 6:5

maningakha ana minamda shākhi sākakhui nilala, tongtingda hanmiphalungra; chiwuitungli sharuk phangāwui akha lāngsangmiphalungra, hi suihamchigat chigatthang akhavāpali mira.

PĀNGMONSHI 7:7

Khayonchigat hila suihamchigat eina ngaraichai; khani hiwui ain akhamaya; pheomi khavai sakhame pāngmon china sā chi khuira.

MISHĀN 5:7

ana morei sākahai chi ana hāngphatra; kala ana sāyon kahai chiwui aman peida mira, khum kaphangāla mataisangda ana sayon kahai mipa chili mira.

MISHĀN 5:9

Kala kachigat ot kachiva̱, Israel mibingwui khuikharā kathara ot pāngmonli khuikharābing chi awui ngasāra;