MISHĀN 5:7 - Kathara Bible (BSI)

⁷ ana morei sākahai chi ana hāngphatra; kala ana sāyon kahai chiwui aman peida mira, khum kaphangāla mataisangda ana sayon kahai mipa chili mira.

MISHĀN 5:7 Iomraidhean Croise

LAA 32:5

Nawui mangāli iwui morei sākahai I mayai, kala iwui khayonkhamāng mathumhaimana; “Proholi iwui khayonkhamāng hāngphatra” da ina hānga; chieina nana iwui khayon morei pheomi.

CHĀNSAM 28:13

Khalattawui morei ngathum kahai mina mamataisangngayaomana, kha hāngphatta chiho kahaibingna lukhamashan samphanga.

PĀNGMONSHI 26:40

“Kha athumwui morei hāngphatta, kala avāva̱ ngarāwui khayonkhamāng kala mahengkasangwui vang kala iwui zatngasak khangaili makazat,

PĀNGMONSHI 26:41

chiwui vang inala kharāthuida yangkashebingwui ngaleili khuivāra, kala athumwui makaphāwui eina ning ngareiungda moreiwui eina kaphā saluiakha;

PĀNGMONSHI 5:15

Prohowui kathara otli kachikathāna yonda sānguihaiakha, awui suihamchigat sākhavai Proholi achuk kapei yaoshangwui eina yaovā akha chigatra, chiwui aman shekel lupāsā, kathara shimwui shekel athishurda nana khuilu; hi khayonchigatna.

PĀNGMONSHI 5:16

Chili lāngda ana kathara ot sashimānmi kahai chi ana runphalungra, chiwuitungli sharuk phangāwui akha mataida pāngmonli mira; kala pāngmon china suihamchigat yaovā chieina ngasoda ali pheomi khavai sāra, kala ali pheomihaora.

PĀNGMONSHI 5:5

Hāngkahaibing hili mi akhana yonkahai tharan awui morei sākahai chiwui vang ana hāngphatra.

PĀNGMONSHI 7:7

Khayonchigat hila suihamchigat eina ngaraichai; khani hiwui ain akhamaya; pheomi khavai sakhame pāngmon china sā chi khuira.

MISHĀN 5:8

Kha kalikhada khayon chiwui vang runkāda samphangki kaji sāza̱ kahaipawui athei-asā maleisaakha, khayonwui vang runkakā chi Proholi pāngmonwui vang sāda mira, pheomi khavaiwui vang yaovā akha kala awui vang pheokhamiwuitungli akha ngarorki kajina.

LUKE 19:8

Zacchaeusna nganingkāda Proholi hānga, “Nganāmilu, Ojā! Iwui khalalei lan ngakaipakta kachāmabingli mira, kala ina kachikathā akhali kateizāhaisaakha akhum mati mataida ali hanmira.”

JOSHUA 7:19

Chieina Joshuana Achanli hānga, “inaomayara, Israelwui Proho Vareli tekmatei ngasaklu, kala ali masotmilu; ara nana khi sāhaokhala kaji ili hānglu; iwui eina mathumhailu.”