MISHĀN 5:21 - Kathara Bible (BSI)

²¹ (pāngmon china preiva̱ chili khonkashiwui shākhi sāngasakta hāngra) Prohona nakhaishāng shuitā ngasakta kala naphasā workhangasak tharan, Prohona nali mibingwui mangāli khonkashi kala shākhi sāngasakra;

MISHĀN 5:21 Iomraidhean Croise

2 THOTRINCHĀN 21:15

kala nali paiphonli kazātkashi kazāra, kala thangthangwui kakazā china napaiphon ngawokphāthaora.’”

NEHEMIAH 10:29

athumwui achinā ngarāli kala athumwui khangamabingli ngasoda, Varewui rao Mosesna mikahai Varewui ain athishurda zatkhavai khonkashi eina khangashit kakhui chili zanga; kala Proho ithumwui Prohowui ningkhami awui shiyan kala ain mayonphalungra, kala sāra da mayāngaroka.

CHĀNSAM 10:7

Khangaronga mili sokhaminada phaningunga, kha makhayā miwui aming shuitāra.

ISAIAH 65:15

Nathumwui ming khonshātwui vang iwui kapangkakhuiali haimira, kala Proho VAREna nathumli shaothatra; kha awui raobingli ana aming khangatei phokmira.

JEREMIAH 29:22

Aniwui vang eina Judah eina Babylonli raithā kahai saikorana kalākashi kharā tharan, anili chānjam sāda, ‘Zedekiah eina Ahabli Babylon awungana meifali horkasang thāda samiranu’ da hāngra,

MISHĀN 5:27

kala ana tara̱ chi ali mang ngasakhailaga, chiwui thili kalikhada akhalatta sākhamānghaisāda agaharali ningmakatonga otsak sahaisaakha, khonkashi khuirā khangasak tara̱ chi awukli zangda china wuk makeihaora, kala aphasā worshokra, kala akhaishāngla shuitāhaora, kala awui mibingwui alungli preiva̱ chi ningkakachaiya ngasāra.

MATTHEW 26:74

Chiwui thili Peterna a khalatta khonshāt pokhuida shākhi sāda hānga, “Ina khamashung tui matui kala mingkazaina! Ina khamashung tui mamatuimana jiakha Varena ili tandi miranu, I mipā chili matheimana.” Chichang chili harvā khonguwa,

JOSHUA 6:26

Chitharan Joshuana Jericholi khonshida hānga, “Jericho ungsakākhaluiya a chi Prohowui khonkashi ngasāranu. Shimphunga sāphokthang awui naochizai shimānra, ngavei sakāthang awui naopaisho shimānra.”

1 SAMUEL 14:24

Kala Israelwui mibing chithang ningli khananglākhaowa, kaja Saulna mibingli khangashit sāda, “Ngazin marāranglakha eina tangdawui alungli iwui yangkashibingli ikhalattana athut makhuiranglakha phakazābing chi khonkashi ngasaranu” da hānghaowa. Chieina mi khipākha mamazaplakthuwa.