MISHĀN 5:2 - Kathara Bible (BSI)

² “Israelwui mibingli kasolu kaja, phārrei kakazā, kala zaizai khangaya̱ mi kachiva̱, kala kathingun saza̱da sāmakhao kahai mi kachiva̱ rāmrahwui eina ayarli khuishokhaolu.

MISHĀN 5:2 Iomraidhean Croise

2 WUNGNAOBING 7:3

Chitharan phārrei kakazā mi mati ngavei zangkhavaili leisai; kala athum akha eina akha, “Khisāda mathiranglakha eina tangda hili pamrakhala? da hāngngaroka.

PĀNGMONSHI 13:45

Phārrei kakazā mina chonshi kakāk ngavaira, kala awui kuisam masekmara, morchai ato eina tangda kuirunra kala “MakathSar, makathar!” da vaora.

PĀNGMONSHI 13:46

Kazāt chi leilakha eina tangda mipa chi matharchingmana, a hi makatharana; kala rāmrah kanshokta amāng vasomra.

PĀNGMONSHI 13:8

kala ana yanglaga khavāt chi ahuili manvaakha pāngmonna matharmana da chishātra; chi phārreina.

PĀNGMONSHI 14:8

Kala tharkahai mipa china awui kachon ngasa̱ra, awui sam sitāra kala ra̱vaira, chieina a tharhaora. Chiwui thili ana rāmrahlungli ungpamra, kha awui kachonshim ayārli shinithang pamra.

PĀNGMONSHI 21:1

Kala Prohona Mosesli hānga, “Aaronwui naomayara pāngmonbingli hānglu, kaja athumwui mi thihaida kathi chili vazanglaga athum khalatta masākhamāngpaimara.

PĀNGMONSHI 23:29

kachikathāna chithang mangarinakha mi chili awui miyurwui eina katathaora.

MISHĀN 12:10

kala muiyā chi kachonshimtungwui eina thuikhaleoda, yanglu, Mariamli phārrei pemhaowa, horam thāda charshihaowa. Aaronna Mariamli yangkhaung eina yanglu, a phārrei pemhaowa.

MISHĀN 12:14

Kha Prohona Mosesli hānga, “Avāva̱na awui maili machora̱ mashorrorsi kaja a shinithang maishida mapamarala? Shinithang ali rāmrahwui ayarli vanarhaolu kala chiwui thili ali khuiungpaira.”

MISHĀN 31:19

Rāmrahwui ayarli shinithang rāmrah vāsāpamlu; nathum kachikathāna mi sāthat kahai, kala kathingun saza̱ kahai leiakha nathum kala tukkhaungbing kakathumathang kala kashinethang tharngasakra.

MISHĀN 5:1

Prohona Mosesli hānga,