MISHĀN 5:14 - Kathara Bible (BSI)

¹⁴ kala kalikha, khalatta sāmakhao kahai apreiva̱ chili gaharana ningli ningkhamaong rāpeida, lah kalikha apreiva̱ akhalattana masākhamānglala yuikashi gaharali raza̱da ningmaonghaiakha;

MISHĀN 5:14 Iomraidhean Croise

CHĀNSAM 6:34

Kaja yuikashina mi akhali malung thuingasaka, kala athut kakhui tharan mataimilakmara.

SOLOMONWUI LAA 8:6

Napāngtheili mahor khanam thāda ili naningli namshanmilu; kaja leikashi hi kathi thāda panga; yuikashi chikhurwui sākashi thai. Chi mei thāda chuishoka, sakashe meiwon thāda ngasheiya.

ZEPHANIAH 3:8

“Chiwui vang eina ili ngarailu, ina shākhi akha sāda nganingkāthang zimiksho chi” da Prohona hānga, Kaja iwui tuitakva yurbing kazipkhuiki kajina, wungrambing kharupkhuiki kajina, iwui ningyāng makhaungwui mei thāda kasā, iwui malungkhavāt katonga athumwuitungli heiror khavaina; kaja iwui yuikashe malungvāt alungli okathui hupta shimānra.

MISHĀN 5:30

lah mi akhali ningkhamaong leida, kala apreiva̱li ningmaonghaiakha; sha̱nao chili Prohowui mangāli nganing ngasakta pāngmonna ainbing hi sāki kajina.

1 CORINTHNAO 10:22

Ithumna Proholi malungvāt ngasaksilā? Ali ithum pangmeiya da phaninglā?